జేఈఈ మెయిన్స్‌ షెడ్యూల్‌ విడుదల

దేశంలోని ప్రతిష్టాత్మక ఇంజినీరింగ్‌ కాలేజీల్లో ప్రవేశాల కోసం నిర్వహించే జేఈఈ మెయిన్స్‌-2025 షెడ్యూల్‌ను నేషనల్‌ టెస్టింగ్‌ ఏజెన్సీ(ఎన్‌టీఏ) సోమవారం విడుదల చేసింది.

హైదరాబాద్‌, అక్టోబర్‌ 28(నమస్తే తెలంగాణ): దేశంలోని ప్రతిష్టాత్మక ఇంజినీరింగ్‌ కాలేజీల్లో ప్రవేశాల కోసం నిర్వహించే జేఈఈ మెయిన్స్‌-2025 షెడ్యూల్‌ను నేషనల్‌ టెస్టింగ్‌ ఏజెన్సీ(ఎన్‌టీఏ) సోమవారం విడుదల చేసింది. సెషన్‌-1కు సోమవారం నుంచి ఆన్‌లైన్‌ దరఖాస్తుల స్వీకరించనుండగా, జనవరి చివరివారంలో పరీక్షలు నిర్వహించనున్నారు. అలాగే, సెషన్‌-2కు జనవరి 31నుంచి ఆన్‌లైన్‌ దరఖాస్తులు స్వీకరిస్తారు. ఏప్రిల్‌ 1నుంచి 8 మధ్య పరీక్షలు నిర్వహిస్తారు. పరీక్ష గడువు 3గంటలు కాగా, గణితం, ఫిజిక్స్‌, కెమిస్ట్రీ సబ్జెక్ట్‌లలో సెక్షన్‌-ఏలో 20, సెక్షన్‌-బీలో 5ప్రశ్నలు ఉంటాయి. ఒక్కో సబ్జెక్ట్‌లో 100మార్కుల చొప్పున మొత్తం 300మార్కులకు పరీక్ష నిర్వహిస్తారు.

జేఈఈ మెయిన్స్‌-2025 షెడ్యూల్‌ వివరాలు

సెషన్‌-1

• ఆన్‌లైన్‌ దరఖాస్తులు – 28-10-2024 నుంచి 22-11-2024 వరకు
• అప్లికేషన్‌ ఫీజు చెల్లించేందుకు గడువు – 22-11-2024(రాత్రి 11.50గంటల వరకు)
• ఆన్‌లైన్‌ దరఖాస్తుల్లో సవరణలు – ఎన్‌టీఏ వెబ్‌సైట్‌లో ఇస్తారు
• సిటీ ఇంటిమేషన్‌ – జనవరి 2025మొదటి వారంలో ఇస్తారు
• ఎన్‌టీఏ వెబ్‌సైట్‌ నుంచి అడ్మిట్‌ కార్డులు డౌన్‌లోడ్‌ – పరీక్ష తేదీకి 3రోజుల ముందు
• పరీక్ష తేదీలు – జనవరి 22 నుంచి జనవరి 31మధ్య(టెంటటివ్‌)
• ఫలితాలు – ఫిబ్రవరి 12 వరకు

సెషన్‌-2

• ఆన్‌లైన్‌ దరఖాస్తులు- 31-01-2025 నుంచి 24-02-2024 రాత్రి 9గంటల వరకు
• అప్లికేషన్‌ ఫీజు చెల్లింపు గడువు- 24-02-2024(రాత్రి 11.50గం.ల వరకు)
• సిటీ ఇంటిమేషన్‌- మార్చి రెండో వారం
• ఎన్‌టీఏ వెబ్‌సైట్‌ నుంచి అడ్మిట్‌ కార్డుల డౌన్‌లోడ్‌- పరీక్షకు మూడు రోజుల ముందు
• పరీక్ష తేదీలు- ఏప్రిల్‌ 1 నుంచి ఏప్రిల్‌ 8మధ్య(టెంటటివ్‌) ఫలితాలు- ఏప్రిల్‌ 17వరకు