SwaRail App | స్వరైల్‌ సూపర్‌యాప్‌.. ఇకపై రైల్వే సేవలన్నీ ఒకే దగ్గర..

రైల్వే సేవలన్నింటినీ ఒకే డిజిటల్‌ వేదిక ద్వారా అందించేందుకు ఇండియన్‌ రైల్వే క్యాటరింగ్‌ అండ్‌ టూరిజం కార్పొరేషన్‌ (ఐఆర్‌సీటీసీ) ‘స్వరైల్‌' పేరుతో సరికొత్త మొబైల్‌ యాప్‌ను అందుబాటులోకి తెచ్చింది. సెంటర్‌ ఫర్‌ రైల్వే ఇన్ఫర్మేషన్‌ సిస్టమ్స్‌ (సీఆర్‌ఐఎస్‌) అభివృద్ధి చేసిన ఈ యాప్‌ను ‘సూపర్‌ యాప్‌'గా పేర్కొంటున్నారు.

• ‘స్వరైల్‌’ సూపర్‌యాప్‌ను అందుబాటులోకి తెచ్చిన ఐఆర్‌సీటీసీ
• టికెట్‌, ట్రాకింగ్‌, ఫుడ్‌ ఆర్డర్‌ సేవలన్నీ ఇకపై ఒకే దగ్గర

న్యూఢిల్లీ, మే 19 : రైల్వే సేవలన్నింటినీ ఒకే డిజిటల్‌ వేదిక ద్వారా అందించేందుకు ఇండియన్‌ రైల్వే క్యాటరింగ్‌ అండ్‌ టూరిజం కార్పొరేషన్‌ (ఐఆర్‌సీటీసీ) ‘స్వరైల్‌’ పేరుతో సరికొత్త మొబైల్‌ యాప్‌ను (SwaRail App) అందుబాటులోకి తెచ్చింది. సెంటర్‌ ఫర్‌ రైల్వే ఇన్ఫర్మేషన్‌ సిస్టమ్స్‌ (సీఆర్‌ఐఎస్‌) అభివృద్ధి చేసిన ఈ యాప్‌ను ‘సూపర్‌ యాప్‌’గా పేర్కొంటున్నారు. రైల్వే శాఖ అందిస్తున్న దాదాపు అన్ని రకాల సేవలను ఒకే ఛత్రం కిందికి తెచ్చి ఈ యాప్‌ను రూపొందించారు.

• ఇప్పటివరకు అందుబాటులో ఉన్న ‘రైల్‌ కనెక్ట్‌’ యాప్‌తో పోలిస్తే ‘స్వరైల్‌’ ఎన్నో ఆధునిక సౌకర్యాలతో రూపుదిద్దుకున్నది.
• ప్రస్తుతం ఆండ్రాయిడ్‌ ఫోన్ల వినియోగదారులకు మాత్రమే అందుబాటులో ఉన్న ఈ యాప్‌ను గూగుల్‌ ప్లేస్టోర్‌ నుంచి డౌన్‌లోడ్‌ చేసుకోవచ్చు.
• ప్రయాణికులు పొడవైన క్యూలలో నిలబడాల్సిన అవసరం లేకుండా రిజర్వ్‌డ్‌, అన్‌ రిజర్వ్‌డ్‌, ప్లాట్‌ఫామ్‌ టికెట్లను సులభంగా పొందేందుకు ఈ యాప్‌ వీలుకల్పిస్తుంది.
• అందుబాటులో ఉన్న రైళ్ల వివరాలతోపాటు లైవ్‌ ట్రైన్‌ ట్రాకింగ్‌, ఫుడ్‌ ఆర్డర్‌ తదితర సేవలను సైతం ‘స్వరైల్‌’ యాప్‌ ద్వారా పొందవచ్చు.
• వినియోగదారులు పాత ఐఆర్‌సీటీసీ ‘రైల్‌ కనెక్ట్‌’ ఖాతా వివరాలతో ‘స్వరైల్‌’ యాప్‌లోకి లాగిన్‌ కావాల్సి ఉంటుంది.
• ‘రైల్‌ కనెక్ట్‌’లో ఖాతా లేనివారు ‘స్వరైల్‌’లో కొత్త ఖాతాను సృష్టించుకోవచ్చు.