అంతర్రాష్ట్ర దొంగల ముఠా అరెస్ట్‌

ఫార్మా కంపెనీల్లో పల్లాడియం కార్బన్‌ దొంగతనానికి పాల్పడుతున్న అంతర్రాష్ట్ర దొంగల ముఠాను సంగారెడ్డి జిల్లా, సీసీఎస్‌ పోలీసులు అరెస్టు చేశారు. గురువారం సంగారెడ్డి జిల్లా పోలీస్‌ కార్యాలయంలో ఎస్పీ చెన్నూరి రూపేశ్‌ వివరాలు వెల్లడించారు.

కంది, ఫిబ్రవరి 20 : ఫార్మా కంపెనీల్లో పల్లాడియం కార్బన్‌ దొంగతనానికి పాల్పడుతున్న అంతర్రాష్ట్ర దొంగల ముఠాను సంగారెడ్డి జిల్లా, సీసీఎస్‌ పోలీసులు అరెస్టు చేశారు. గురువారం సంగారెడ్డి జిల్లా పోలీస్‌ కార్యాలయంలో ఎస్పీ చెన్నూరి రూపేశ్‌ వివరాలు వెల్లడించారు. ఈ నెల 8న యావాపూర్‌ ఆరీన్‌ లైఫ్‌ సైన్సెస్‌ యూనిట్‌-3 కంపెనీలో జరిగిన పల్లాడియం కార్బన్‌ దొంగతనంపై హెచ్‌ఆర్‌ మేనేజర్‌ సూరప్పనాయుడు ఫిర్యాదు మేరకు సదాశివపేటలో కేసు నమోదు చేశారు. ఈ నెల 19న మద్దికుంట చౌరస్తాలో ఆరుగురు నేరస్తులను పట్టుకొని, 96 కిలోల పల్లాడియం కార్బన్‌ను స్వాధీనం చేసుకున్నారు. నిందితుడు అల్లం సాంబశివుడు ముఠా 2023లో బొంతపల్లి న్యూ లాండ్‌ కంపెనీలో 35 కిలోలు, 2024 నవంబర్‌లో బొల్లారంలోని రాంప్యాక్స్‌ కంపెనీలో 8 కిలోలు, కర్ణాటకలోని బీదర్‌ సాయి లైఫ్‌ సైన్సెస్‌లో 17 కిలోల పల్లాడియం కార్బన్‌ దొంగతనం చేశారు. 20 రోజుల క్రితం సాంబశివుడు ఆరీన్‌ లైఫ్‌ సైన్సెస్‌ యూనిట్‌-3 గురించి తెలుసుకొని స్టోర్‌ మేనేజర్‌ ముక్కంటి రెడ్డికి డబ్బు ఆశ చూపి, ఈ నెల 8న 120 కిలోల పల్లాడియం కార్బన్‌ దొంగలించాడు. దీని విలువ 4.50 కోట్లు ఉంటుదని ఎస్పీ వెల్లడించారు.