జహీరాబాద్‌లో ఇండస్ట్రియల్‌ స్మార్ట్‌ సిటీ

సంగారెడ్డి జిల్లా జహీరాబాద్‌లో కేంద్ర ప్రభుత్వం ఇండస్ట్రియల్‌ స్మార్ట్‌ సిటీని ఏర్పాటు చేయనుంది. బుధవారం ఢిల్లీలో ప్రధానమంత్రి మోదీ అధ్యక్షతన జరిగిన ఆర్థిక వ్యవహారాల మంత్రివర్గ కమిటీ(సీసీఈఏ) ఇం దుకు ఆమో దం తెలిపింది.

హైదరాబాద్‌, ఆగస్టు 28(నమస్తే తెలంగాణ): సంగారెడ్డి జిల్లా జహీరాబాద్‌లో కేంద్ర ప్రభుత్వం ఇండస్ట్రియల్‌ స్మార్ట్‌ సిటీని ఏర్పాటు చేయనుంది. బుధవారం ఢిల్లీలో ప్రధానమంత్రి మోదీ అధ్యక్షతన జరిగిన ఆర్థిక వ్యవహారాల మంత్రివర్గ కమిటీ(సీసీఈఏ) ఇం దుకు ఆమో దం తెలిపింది. జాతీయ పారిశ్రామిక కారిడార్‌ అభివృద్ధి కార్యక్రమంలో భాగంగా రూ.28,602 కోట్ల తో దేశవ్యాప్తంగా 10 రాష్ర్టాల్లో 12 పారిశ్రామిక స్మార్ట్‌ సిటీలను ఏర్పాటు చేయాలని కేంద్రం నిర్ణయించింది. ఇందులో భాగంగా రూ.2,361 కోట్లతో జహీరాబాద్‌లో పారి శ్రామిక స్మార్ట్‌ సిటీ ఏర్పాటు కానుంది. . రెండు దశల్లో దాదాపు 12,500 ఎకరాల విస్తీర్ణంలో ఈ ప్రాజెక్టు విస్తరించనుంది.

కేంద్ర మంత్రివర్గ నిర్ణయాలు

• రూ.6,456 కోట్ల వ్యయంతో ఒడిశా, జార్ఖండ్‌, పశ్చిమ బెంగాల్‌, ఛత్తీస్‌గఢ్‌లో రెండు కొత్త రైల్వే లైన్లు, ఒక మల్టీ ట్రాకింగ్‌ ప్రాజెక్టు
• ప్రైవేటు ఎఫ్‌ఎం రేడియా ఫేజ్‌-3 పాలసీలో భాగంగా 234 కొత్త నగరాల్లో 730 ఎఫ్‌ఎం చానళ్ల కోసం ఈ-వేలం నిర్వహణ
• ఈశాన్య రాష్ర్టాల్లో రూ.4,136 కోట్లతో 15,000 మెగావాట్ల సామర్థ్యం కలిగిన జలవిద్యుత్తు కేంద్రాల నిర్మాణం