సోలార్‌ యూనిట్లపై రాయితీ పెంపు

ఇండ్లపై సోలార్‌ విద్యుత్తు యూనిట్లు ఏర్పాటు చేసుకునే వారికి కేంద్ర ప్రభుత్వం రాయితీలను గణనీయంగా పెంచింది. పీఎం సూర్య ఘర్‌-ముఫ్త్‌ బిజిలీ యోజన కింద 2 నుంచి 7 కిలోవాట్లలోపు సామర్థ్యంతో కూడిన చిన్న యూనిట్లను ఏర్పాటు చేసుకునేవారికి గతంలో కంటే భారీగా రాయితీలు ఇవ్వనున్నట్టు ప్రకటించింది.

• చిన్న ప్లాంట్లు ఏర్పాటు చేసుకునేవారికి అధిక రాయితీ ఇవ్వనున్న కేంద్రం

హైదరాబాద్‌, మార్చి 25 (నమస్తే తెలంగాణ): ఇండ్లపై సోలార్‌ విద్యుత్తు యూనిట్లు ఏర్పాటు చేసుకునే వారికి కేంద్ర ప్రభుత్వం రాయితీలను గణనీయంగా పెంచింది. పీఎం సూర్య ఘర్‌-ముఫ్త్‌ బిజిలీ యోజన కింద 2 నుంచి 7 కిలోవాట్లలోపు సామర్థ్యంతో కూడిన చిన్న యూనిట్లను ఏర్పాటు చేసుకునేవారికి గతంలో కంటే భారీగా రాయితీలు ఇవ్వనున్నట్టు ప్రకటించింది. కానీ, 8 నుంచి 10 కిలోవాట్ల సామర్థ్యంతో కూడిన పెద్ద యూనిట్లను ఏర్పాటు చేసుకునేవారికి మాత్రం సబ్సిడీని తగ్గించింది.

సబ్సిడీల పెంపు ఇలా..

• 2 కిలోవాట్ల ప్లాంట్‌కు ఇచ్చే సబ్సిడీ రూ.29 వేల నుంచి రూ.60 వేలకు పెంపు. దీంతో వినియోగదారుడు చెల్లించే యూనిట్‌ విలువ రూ.1.20 లక్షల నుంచి రూ.62 వేలకు తగ్గింది.
• 3 కిలోవాట్ల ప్లాంట్‌కు ఇచ్చే సబ్సిడీని రూ.43 వేల నుంచి రూ.78 వేలకు పెంచడంతో వినియోగారుడికి రూ.41 వేలు ఆదాకానున్నది.
• 5 కిలోవాట్ల ప్లాంట్‌కు ఇచ్చే సబ్సిడీ రూ.58 వేల నుంచి రూ.78 వేలకు పెంపు.
• 8 నుంచి 10 కిలోవాట్ల సామర్థ్యం కలిగిన పెద్ద యూనిట్లు ఏర్పాటు చేసుకునేవారికి రూ.78 వేల సబ్సిడీ ఇవ్వనున్నారు.