Telangana | పారిశుధ్య నిర్వహణ పైసలెప్పుడో.. పాఠశాలలకు ఇవ్వాల్సిన నిధులు పెండింగే!

రాష్ట్రంలోని సర్కారు పాఠశాలల్లో పారిశుధ్య నిర్వహణ అటకెక్కింది. కలెక్టర్లు పట్టించుకోకపోవడం, పారిశుధ్య నిధులను మం జూరు చేయకపోవడమే ఇందుకు కార ణం.

• విద్యాసంవత్సరం ముగుస్తున్నా మీనమేషాలు
• పారిశుధ్య నిర్వహణకు డీఎంఎఫ్‌టీ డబ్బులు
• ఇంకా కొన్ని స్కూళ్లకు పూర్తిగా అందని వైనం

Telangana | హైదరాబాద్‌, మార్చి 14 (నమస్తే తెలంగాణ): రాష్ట్రంలోని సర్కారు పాఠశాలల్లో పారిశుధ్య నిర్వహణ అటకెక్కింది. కలెక్టర్లు పట్టించుకోకపోవడం, పారిశుధ్య నిధులను మం జూరు చేయకపోవడమే ఇందుకు కార ణం. రాష్ట్రంలోని 26వేల పైచిలుకు పాఠశాలల పారిశుధ్య నిర్వహణ బా ధ్యతలను అమ్మ ఆదర్శ పాఠశాల కమిటీలకు ప్రభుత్వం అప్పగించింది. జిల్లా మినరల్‌ ట్రస్ట్‌ ఫండ్‌ (డీఎంఎఫ్‌టీ) నిధులను వినియోగించాలని ఆదేశాలిచ్చింది. విద్యార్థుల సంఖ్యను బట్టి పాఠశాలకు రూ.మూడువేలు, గరిష్ఠంగా రూ.6వేల వరకు ఇవ్వాల్సి ఉంది. 8 నెలల తర్వాత కూడా చాలా జిల్లాల్లో మూడు నెలల నిధులు ఇచ్చి చేతులు దులుపుకున్నారు. మరికొన్ని జిల్లాల్లో నవంబర్‌, డిసెంబర్‌ మాసాలకు సంబంధించినవే విడుదల చేశా రు. ఆర్థిక సంవత్సరం మారో మూడు వారాల్లో ముగియనున్నది. దీంతో నిధులు ఇవ్వడం సాధ్యమేనా..? అన్న పరిస్థితులున్నాయి. హెచ్‌ఎంలు, టీచర్లల్లో ఆందోళన నెలకొన్నది.

వాస్తవ పరిస్థితులిలా..

• జగిత్యాల జిల్లాలో నవంబర్‌ మాసం నుంచి మాత్రమే గ్రాంట్‌ విడుదల చేశారు. నవంబర్‌, డిసెంబర్‌ మాసాలకు పాఠశాలకు రూ. 6వేల చొప్పున ఇచ్చారు.
• ములుగు జిల్లాకు కేవలం ఒక నెల నిధులు విడుదలయ్యాయి. విద్యా ర్థుల సంఖ్యకు అనుగుణంగా ఈ జిల్లాల్లో నిధులు విడుదల చేశారు.
• నిర్మల్‌ జిల్లాలో మూడు నెలలకు నిధులు విడుదల చేశారు. ఆగస్టు నుంచి కాకుండా అక్టోబర్‌ 15 నుంచి డిసెంబర్‌ 15 వరకు మాత్రమే ఇచ్చారు.
• జయశంకర్‌ భూపాలపల్లి జిల్లాలో ఫిబ్రవరి నెలలో మూడు నెలల నిధులే మంజూరయ్యాయి.
• భద్రాద్రి కొత్తగూడెం జిల్లాలో మూడు నెలలకు నిధులు ఇవ్వగా, ఒక నెల నిధులను పరిశుభ్రతకు సంబంధించిన మెటీరియల్‌ కొనుగోలుచేశారు.
• రాజన్న సిరిసిల్ల జిల్లాల్లో 45 రోజులకు నిధులు విడుద లయ్యాయి. అక్టోబర్‌ 19న డీఈవో ఉత్తర్వులిచ్చారు. ఆ తేదీ నుంచి చెల్లింపులు చేస్తామనడం గమనార్హం.