RTC Charges | పండుగల పూట చార్జీల పెంపు.. ఆర్టీసీ ప్రయాణికుల మండిపాటు

RTC Charges | సామాన్యుడికి రవాణా సదుపాయాన్ని అందుబాటులో ఉంచవలిసిన ప్రభుత్వం దసరా సెలవుల రద్దీని సాకుగా తీసుకుని ఆదాయాన్ని గణనీయంగా పెంచుకోవాలని చూస్తుంది. 

వెల్దండ : రాష్ట్రంలో కాంగ్రెస్‌ పాలనపై సర్వత్ర విమర్శలు వ్యక్తమవుతున్నాయి. ఏ క్షణాన ఎలాంటి నిర్ణయాలు తీసుకుంటారో అర్థం కాలేని పరిస్థితి దాపురించింది. ఇప్పటికే ఆకాశనంటిన ధరలతో అల్లాడుతున్న ప్రజలకు ఆర్టీసీ చార్జీల పెంపుదలతో ఆగ్రహం వ్యక్తం చేస్తున్నారు. సామాన్యుడికి రవాణా సదుపాయాన్ని అందుబాటులో ఉంచవలిసిన ప్రభుత్వం దసరా ( Dasara ) సెలవుల రద్దీని సాకుగా తీసుకుని ఆదాయాన్ని గణనీయంగా పెంచుకోవాలని చూస్తుంది.

వెల్దండ మండల కేంద్రానికి చెందిన జంగిలి ఆనంద్ అనే ప్రయాణికుడు , మరికొంతమంది దసరా సెలవుల్లో వస్తున్న తమ పిల్లలను తీసుకొచేందుకు హైదరాబాదుకు వెళ్లి సాయంత్రం వచ్చేసరికి ఆర్టీసీ చార్జీలు పెంచడంతో ఒక్కసారిగా కంగుతున్నారు. ఇదేమిటని కండక్టర్ ప్రశ్నించగా పెత్తర అమావాస్య, దసరా పండుగ సందర్భంగా ప్రభుత్వం రేట్లు పెంచిందని జవాబు ఇవ్వడంతో వారు బిత్తర పోయారు. మహిళలకు ఉచితం అంటూ పురుషులపై చార్జీలు మోపడం ఎంతవరకు సమంజసమని ప్రయాణికులు ప్రశ్నించారు. ఇదేనా కాంగ్రెస్ మార్పు అంటూ మండిపడ్డారు.