Visit:
TG Weather | రానున్న రెండు మూడు గంటల్లో రాష్ట్రంలోని పలు జిల్లాల్లో తేలికపాటి నుంచి మోస్తరు వర్షం కురిసే అవకాశం ఉందని హైదరాబాద్ వాతావరణ కేంద్రం హెచ్చరించింది. ఈ మేరకు భద్రాద్రి కొత్తగూడెం, హైదరాబాద్, జనగాం, కామారెడ్డి, కుమ్రంభీం ఆసిఫాబాద్, మెదక్‌, మేడ్చల్‌ మల్కాజిగిరి, ములుగు నిర్మల్‌, నిజామాబాద్‌, రంగారెడ్డి, వికారాబాద్‌, వరంగల్‌, హన్మకొండ జిల్లాలకు ఎల్లో అలర్ట్‌ జారీ చేసింది. నల్గొండ, సంగారెడ్డి జిల్లాలకు ఆరెంజ్‌ అలర్ట్‌ జారీ చేసింది.
రేపు ( ఆదివారం) భద్రాద్రి కొత్తగూడెం, జయశంకర్ భూపాలపల్లి, కుమ్రంభీం ఆసిఫాబాద్, మహబూబాబాద్‌, మంచిర్యాల జిల్లాలో అక్కడక్కడ వర్షం కురిసే అవకాశం ఉందని హైదరాబాద్ వాతావరణ కేంద్రం తెలిపింది. సోమవారం నాడు ఆదిలాబాద్‌, భద్రాద్రి కొత్తగూడెం, జయశంకర్ భూపాలపల్లి, కుమ్రంభీం ఆసిఫాబాద్, మంచిర్యాల, ములుగు జిల్లాల్లో అక్కడక్కడ వర్షం కురిసే అవకాశం ఉందని సూచించింది. ఇక మంగళవారం నాడు ఆదిలాబాద్‌ ,హైదరాబాద్, జగిత్యాల, కామారెడ్డి, కుమ్రంభీం ఆసిఫాబాద్, మంచిర్యాల, మెదక్‌, మేడ్చల్‌ మల్కాజిగిరి, నిర్మల్‌, నిజామాబాద్‌, రాజన్న సిరిసిల్ల, రంగారెడ్డి, సంగారెడ్డి, వికారాబాద్‌ జిల్లాల్లో అక్కడక్కడ వర్షం కురిసే అవకాశం హెచ్చరించింది. గంటకు 30 నుంచి 40 కిలోమీటర్ల వేగంతో ఈదురుగాలులు వీచే అవకాశం ఉందని తెలిపింది. ఈ మేరకు ఈ జిల్లాలకు ఎల్లో అలర్ట్‌ జారీ చేసింది.
