Special Police | 12 రోజులు డ్యూటీ చేస్తే 2 రోజుల సెలవు ?.. టీజీఎస్పీ కానిస్టేబుళ్ల ముందు అధికారుల ప్రతిపాదన
బెటాలియన్ కానిస్టేబుళ్లతో టీజీఎస్పీ ఉన్నతాధికారుల చర్చల ప్రక్రియ కొనసాగుతోంది. 26 రోజుల డ్యూటీ తర్వాత 4 రోజులు సెలవు ఇస్తున్న విధానంపై బెటాలియన్ కానిస్టేబుళ్లు, వారి కుటుంబసభ్యులు తీవ్రస్థాయిలో ఆందోళనలు చేపట్టడంతో ప్రభుత్వం దిద్దుబాటు చర్యలకు పూనుకున్నట్టు తెలుస్తున్నది.
- నిరసనలు విరమించాలని ఉన్నతాధికారుల సూచన
Special Police | హైదరాబాద్, నవంబర్ 2 (నమస్తే తెలంగాణ) : బెటాలియన్ కానిస్టేబుళ్లతో టీజీఎస్పీ ఉన్నతాధికారుల చర్చల ప్రక్రియ కొనసాగుతోంది. 26 రోజుల డ్యూటీ తర్వాత 4 రోజులు సెలవు ఇస్తున్న విధానంపై బెటాలియన్ కానిస్టేబుళ్లు, వారి కుటుంబసభ్యులు తీవ్రస్థాయిలో ఆందోళనలు చేపట్టడంతో ప్రభుత్వం దిద్దుబాటు చర్యలకు పూనుకున్నట్టు తెలుస్తున్నది. ఈ క్రమంలో 15 రోజుల డ్యూటీ తర్వాత 2 రోజుల సెలవును ఉపయోగించుకునే విధానంలోనూ మార్పు చేసి, 12 రోజుల డ్యూటీ తర్వాత 2రోజులు సెలవు ఇచ్చే విషయాన్ని పరిశీలిస్తున్నట్టు సమాచారం. ఈ మేరకు టీజీఎస్పీ బెటాలియన్ ఉన్నతాధికారులు కానిస్టేబుళ్ల నాయకుల ముందు ప్రతిపాదనలు పెట్టినట్టు విశ్వసనీయంగా తెలిసింది. అత్యవసరం అనుకుంటే 1 సీఎల్, హెల్త్ ఎమర్జెన్సీ అయితే 1 ఈఎల్ పెట్టుకునే వెసులుబాటు కల్పించే అంశాన్ని పరిశీలిస్తున్నట్టు ఓ ఉన్నతాధికారి చెప్పారు.
‘ఏక్ పోలీసు’పై అధ్యయనం చేయండి
‘ఏక్ పోలీసు’విధానంపై స్టడీ చేయాలని కానిస్టేబుళ్లకు ఉన్నతాధికారులు చెబుతున్నారు. ఏయే రాష్ర్టాల్లో ఏక్ పోలీసు అమలు చేస్తున్నారు? అక్కడ ఉన్న నిబంధనలు ఏంటి? క్షుణ్నంగా అధ్యయనం చేసి, తెలంగాణలో అమలు చేయాల్సిన పరిస్థితులపై ప్రతిపాదనలు ఇవ్వాలని సూచిస్తున్నారు.
మళ్లీ ఆందోళన చేయరని గ్యారెంటీ ఏంటి?
ఇక 3-5 ఏండ్లు ఒకే చోట పోస్టింగ్ కావాలంటే ఇచ్చేందుకు కూడా సిద్ధంగా ఉన్నామని, కానీ జిల్లాల సరిహద్దుల్లో డ్యూటీలు వేస్తే అక్కడ విధులు నిర్వర్తించేందుకు సిద్ధంగా ఉంటారా? అని చర్చల్లో అధికారులు కానిస్టేబుళ్లను ప్రశ్నిస్తున్నారు. మళ్లీ అక్కణ్నుంచి సిటీ పరిధుల్లోకి బదిలీ చేయాలంటూ మరో ఆందోళన చేయరనే గ్యారెంటీ ఏంటని అడుగుతున్నట్టు తెలిసింది. ఇప్పటికే నెలలో రికార్డెడ్ పర్మిషన్ 4 రోజులు ఇస్తుండగా, కొందరు ఆర్ఐలకు డబ్బులిచ్చి 6-10 రోజులు సెలవులు పెడుతున్నట్టు తెలిసిందని చెప్పారు.
ఇలాగైతే వ్యవస్థ ఏమైపోతుంది?
బెటాలియన్ కానిస్టేబుళ్లను స్ఫూర్తిగా తీసుకుని సివిల్ వాళ్లు, వాళ్లను చూసి ఏఆర్ వాళ్లు ఆందోళనల బాటపడితే పోలీసు వ్యవస్థకు, ప్రభుత్వానికి చెడ్డపేరు వస్తుందనే ఉద్దేశంతోనే బెటాలియన్ కానిస్టేబుళ్లపై వేటు వేసినట్టు అధికారులు కానిస్టేబుళ్లకు చెబుతున్నారు. ఉద్యోగం చేయడం నచ్చకపోతే వెంటనే రాజీనామా చేసి వెళ్లాలి కానీ ఆందోళనలు చేస్తూ వ్యవస్థను భ్రష్టు పట్టిస్తే ఎలా? అని ఉన్నతాధికారులు ప్రశ్నిస్తున్నారు. ముఖ్యంగా వాట్సాప్ గ్రూపుల్లో ఎవరో రెచ్చగొడితే ఆందోళనలు చేయడం వల్ల ఎలాంటి ఉపయోగం లేదని అంటున్నారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
Road Accident | రోడ్డు ప్రమాదంలో చిన్నారి దుర్మరణం..మరొకరికి తీవ్రగాయాలు
బాలికలపై లైంగిక వేధింపుల కేసులో ఐదుగురు రిమండ్
Hormones | పండుగల అనంతరం హార్మోన్లలో మార్పులు వస్తాయా.. ఆరోగ్యంగా ఉండేందుకు ఏం చేయాలి..?
‘ఉపాధి హామీ కూలీలకు రూ.12 వేలు ఇవ్వాలి’
Rapthadu accused | ఆసుపత్రి నుంచి రాప్తాడు నిందితుడు డిశ్చార్జ్ ..అనంతపురం జిల్లా జైలుకు తరలింపు
ట్రెండింగ్ వార్తలు
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి

