కాంగ్రెస్‌ ప్రభుత్వం తప్పును సరిదిద్దుకుంటున్నది!

గతంలో కాంగ్రెస్‌ ప్రభుత్వం చేసిన తప్పులను సరిదిద్దుకుని ఇంద్రవెల్లి అమరవీరుల కుటుంబాలను అన్ని విధాలా ఆదుకుంటున్నామని పంచాయతీ రాజ్‌ శాఖ మంత్రి సీతక్క అన్నారు. ఆదివారం ఆదిలాబాద్‌ జిల్లా ఇంద్రవెల్లి మండలంలోని హీరాపూర్‌ గ్రామ సమీపంలోని అమరవీరుల స్తూపం వద్ద నివాళులర్పించారు.

• ఇంద్రవెల్లి బాధిత కుటుంబాలను ప్రభుత్వం ఆదుకుంటుంది
• అమరవీరుల సంస్మరణ సభలో మంత్రి సీతక్క వాగ్దానం

ఇంద్రవెల్లి, ఏప్రిల్‌ 20 : గతంలో కాంగ్రెస్‌ ప్రభుత్వం చేసిన తప్పులను సరిదిద్దుకుని ఇంద్రవెల్లి అమరవీరుల కుటుంబాలను అన్ని విధాలా ఆదుకుంటున్నామని పంచాయతీ రాజ్‌ శాఖ మంత్రి సీతక్క అన్నారు. ఆదివారం ఆదిలాబాద్‌ జిల్లా ఇంద్రవెల్లి మండలంలోని హీరాపూర్‌ గ్రామ సమీపంలోని అమరవీరుల స్తూపం వద్ద నివాళులర్పించారు. ఈ సందర్భంగా మంత్రి మాట్లాడుతూ.. రూ.15 కోట్లతో ఉట్నూర్‌తోపాటు ఏటూరునాగారంలో కొత్తగా ఐటీడీఏ కార్యాలయాల నిర్మాణానికి ప్రణాళిక రూపొందించినట్టు చెప్పారు. పోడు భూములపై కమిటీ ఏర్పాటు చేసి పూర్తిస్థాయిలో విచారణ జరిపి, పట్టాలు అందిస్తామని పేర్కొన్నారు. ఈ కార్యక్రమంలో ఆదిలాబాద్‌ ఎంపీ గోడం నగేశ్‌, ఎమ్మెల్యేలు వెడ్మ బొజ్జు పటేల్‌, ప్రేమ్‌సాగర్‌ రావు, కోవ లక్ష్మి పాల్గొన్నారు.