వీఆర్‌ఏల సర్దుబాటు బాధ్యత కలెక్టర్లకు

వీఆర్‌ఏల సర్దుబాటు ప్రక్రియను ప్ర భుత్వం వేగవంతం చేసింది. విద్యార్హతలు, ఖాళీల ఆధారంగా వివిధ శాఖల్లోకి 20, 555 మంది వీఆర్‌ఏలను సర్దుబాటు చేసే బాధ్యతను కలెక్టర్లకు అప్పగించింది.

• వయసు కటాఫ్‌ తేదీ 2023 జూలై 31
• ఖాళీలు తక్కువుంటే వేరే జిల్లాలకు
• వారసుల’ భర్తీకి ఎన్వోసీ మస్ట్‌
• రెవెన్యూశాఖ మార్గదర్శకాలు

హైదరాబాద్‌, ఆగస్టు 1 (నమస్తే తెలంగాణ): వీఆర్‌ఏల సర్దుబాటు ప్రక్రియను ప్ర భుత్వం వేగవంతం చేసింది. విద్యార్హతలు, ఖాళీల ఆధారంగా వివిధ శాఖల్లోకి 20, 555 మంది వీఆర్‌ఏలను సర్దుబాటు చేసే బాధ్యతను కలెక్టర్లకు అప్పగించింది. విద్యార్హతల మేరకు ఆఫీస్‌ సబార్డినేట్‌, రికార్డ్‌ అసిస్టెంట్‌, జూనియర్‌ అసిస్టెంట్‌ పేస్కేల్‌ను వర్తింపజేసింది. వీరిలో 61 ఏండ్లు దాటిన 3,797 మంది వారసులకు ఉద్యోగాలు ఇవ్వనున్నట్టు పేర్కొన్నది. వయసు నిర్ధారణకు ఈ ఏడాది జూలై 1ని కటాఫ్‌ తేదీగా నిర్ధారించింది. అప్పటికి 61 ఏండ్లలోపు వయసున్నవారికి నేరుగా పోస్టింగ్‌ ఇవ్వనున్నారు. ఈ మేరకు రెవెన్యూశాఖ ముఖ్య కార్యదర్శి నవీన్‌ మిట్టల్‌ మంగళవారం మార్గదర్శకాలు జారీ చేశారు.

ఆ మార్గదర్శకాలు ఇవీ..

• ఖాళీల వివరాలను అన్ని జిల్లాల కలెక్టర్లు ఐఎఫ్‌ఎంఐఎస్‌ పోర్టల్‌లో పొందుపర్చాలి.
• ఆ ఖాళీల ఆధారంగా జిల్లాల్లో రెగ్యులర్‌, సూపర్‌ న్యుమనరీ పోస్టులను సృష్టించాలి.
• విద్యార్హతల ఆధారంగా భర్తీ చేయాలి.
• ఒకవేళ వీఆర్‌ఏల కన్నా ఖాళీలు తక్కువుం టే.. ఇతర జిల్లాల్లో సర్దుబాటు చేయాలి.
• వీఆర్‌ఏల అపాయింట్‌మెంట్‌ పూర్తికాగానే తాసీల్దార్లు వీఆర్‌ఏలను రిలీవ్‌ చేయాలి.
• మార్పు, చేర్పులకు అవకాశం ఉండదు.
• 61 ఏండ్ల వయసు దాటిన వారి వారసుల ఎంపిక, వివరాలతోపాటు అఫిడవిట్‌ను, కుటుంబ సభ్యుల నుంచి ఎన్వోసీ తప్పనిసరిగా తీసుకోవాలి.
• వారసుల ఎంపిక ప్రక్రియను ఈ నెల 5లోగా పూర్తి చేయాలి.