Visit:
హైదరాబాద్‌ : బీఆర్ఎస్ అధినేత కేసీఆర్‌( KCR)ను కాంగ్రెస్‌ సీనియర్‌ నాయకుడు, మాజీ మంత్రి కుందూరు జానారెడ్డి( Jana Reddy) తన సతీమణి, తనయుడు నాగార్జున సాగర్ ఎమ్మెల్యే జయవీర్ వెంకట్ రెడ్డితో కలిసి పరామర్శించారు. శుక్రవారం యశోద దవాఖాన( Yashoda Hospital)లో చికిత్స పొందుతున్న కేసీఆర్‌ను పరామర్శించి వివరాలను అడిగి తెలుసుకున్నారు. త్వరగా కోలుకోవాలని ఆకాక్షించారు.
కాగా, గురువారం అర్ధరాత్రి ఆయన కాలు జారి కిందపడటంతో తీవ్ర గాయమైంది. వెంటనే ఆయనను సోమాజిగూడ యశోదా హాస్పిటల్‌కు తరలించారు. ప్రస్తుతం కేసీఆర్‌ వైద్యుల పర్యవేక్షణలో ఉన్నారుత్ప్రస్తుతం ఆయన ఆరోగ్యం నిలకడగా ఉన్నట్లు వైద్యులు తెలిపారు. శుక్రవారం సాయంత్రం కేసీఆర్‌కు హిప్‌ రీప్లేస్‌మెంట్‌ సర్జరీ చేయనున్నారు. కేసీఆర్‌ కోలుకోవడానికి ఆరు నుంచి ఎనిమిది వారాలు పడుతుందని వైద్యులు తెలిపారు.
