డెంగీ జ్వరంతో రైతు మృతి

ములుగు జిల్లా మంగపేట మండలం చెరుపల్లి (కొత్తపేట)కి చెందిన ముత్తినేని సదాశివరావు(45) అనే రైతు డెంగీ జ్వరంతో మృతిచెందాడు. కుటుంబసభ్యుల కథనం ప్రకారం.. సదాశివరావుకు వారం క్రితం జ్వరం రావడంతో కుటుంబసభ్యులు ఆర్‌ఎంపీ వద్ద వైద్యం చేయించారు.

మంగపేట, జూలై 24 : ములుగు జిల్లా మంగపేట మండలం చెరుపల్లి (కొత్తపేట)కి చెందిన ముత్తినేని సదాశివరావు(45) అనే రైతు డెంగీ జ్వరంతో మృతిచెందాడు. కుటుంబసభ్యుల కథనం ప్రకారం.. సదాశివరావుకు వారం క్రితం జ్వరం రావడంతో కుటుంబసభ్యులు ఆర్‌ఎంపీ వద్ద వైద్యం చేయించారు.

అయినా తగ్గకపోవడంతో ఏటూరునాగారంలోని ఓ ప్రైవేటు వైద్యశాలకు తీసుకెళ్లి అక్కడ మూడు రోజులు చికిత్స చేయించారు. డెంగీ జ్వరంగా నిర్ధారించి మెరుగైన వైద్యం కోసం హనుమకొండకు తీసుకెళ్లాలని అక్కడి వైద్యుడు సూచించారు. దీంతో బుధవారం హనుమకొండలోని ఓ ప్రైవేట్‌ దవాఖానలో చేర్పించగా పరిస్థితి విషమించి గురువారం మృతిచెందాడు.