TSRTC | హైదరాబాద్‌- విజయవాడ రూట్‌లో 20 నిమిషాలకో ఎలక్ట్రిక్‌ ఏసీ బస్సు.. నేడు 10 బస్సులు ప్రారంభం

TSRTC | పర్యావరణహితమైన ఎలక్ట్రిక్‌ ఏసీ బస్సులు ‘ఈ- గరుడ’ పేరుతో ప్రయాణికులకు అందుబాటులోకి రాబోతున్నాయి. హైదరాబాద్‌- విజయవాడ మార్గంలో 50 ఎలక్ట్రిక్‌ ఏసీ బస్సులను నడపాలని నిర్ణయించిన టీఎస్‌ఆర్టీసీ.. వీటిలో 10 బస్సులను మంగళవారం మియాపూర్‌ లో ప్రారంభించనున్నది.

TSRTC | హైదరాబాద్‌, మే 15 (నమస్తే తెలంగాణ)/మియాపూర్‌: పర్యావరణహితమైన ఎలక్ట్రిక్‌ ఏసీ బస్సులు ‘ఈ- గరుడ’ పేరుతో ప్రయాణికులకు అందుబాటులోకి రాబోతున్నాయి. హైదరాబాద్‌- విజయవాడ మార్గంలో 50 ఎలక్ట్రిక్‌ ఏసీ బస్సులను నడపాలని నిర్ణయించిన టీఎస్‌ఆర్టీసీ.. వీటిలో 10 బస్సులను మంగళవారం మియాపూర్‌ లో ప్రారంభించనున్నది. మిగతా బస్సులు ఈ ఏడాది చివరినాటికి విడతలవారీగా అందుబాటులోకి రానున్నాయి. హైటెక్‌ హంగులతో హైదరాబాద్‌- విజయవాడ మార్గంలో 20 నిమిషాలకో ఈ- గరుడ బస్సు నడిపేలా ప్రణాళిక రూపొందించామని సంస్థ ప్రకటించింది. రెండేండ్లలో కొత్తగా 1,860 ఎలక్ట్రిక్‌ బస్సులను అందుబాటులోకి తెస్తామని తెలిపింది. హైదరాబాద్‌లో 10 డబుల్‌ డెకర్‌ బస్సులను త్వరలోనే ప్రారంభిస్తామని వివరించింది.ఈ కార్యక్రమంలో రవాణా శాఖ మంత్రి పువ్వాడ అజయ్‌కుమార్‌, ఆర్టీసీ చైర్మన్‌, ఎమ్మెల్యే బాజిరెడ్డి గోవర్ధన్‌, ఎండీ వీసీ సజ్జనార్‌ పాల్గొననున్నారు.

ఎలక్ట్రిక్‌ ఏసీ బస్సు ప్రత్యేకతలివే..

• హైటెక్‌ హంగులతో 12 మీటర్ల పొడవు
• సీట్ల సామర్థ్యం 41
• ప్రతి సీటు వద్ద మొబైల్‌ చార్జింగ్‌ సౌకర్యంతోపాటు రీడింగ్‌ ల్యాంప్‌లు
• ప్రయాణికుల భద్రత దృష్ట్యా వెహికిల్‌ ట్రాకింగ్‌ సిస్టం, ప్రతి సీటు వద్ద పానిక్‌ బటన్‌ సదుపాయం.. ఆర్టీసీ కంట్రోల్‌ రూంకు అనుసంధానం
• ప్రతి బస్సులో 3 సీసీటీవీ కెమెరాలు.. ఒక నెల రికార్డింగ్‌ బ్యాకప్‌
• బస్సులోని ప్రయాణికులను లెకించే ఆటోమెటిక్‌ ప్యాసింజర్‌ కౌంటర్‌ (ఏపీసీ) కెమెరా
• బస్సు రివర్స్‌ చేసేందుకు వీలుగా రివర్స్‌ పారింగ్‌ అసిస్టెన్స్‌ కెమెరా
• బస్సుకు ముందు వెనుక ఎల్‌ఈడీ బోర్డులు
• అగ్నిప్రమాదాలను ముందుగానే గుర్తించి నివారించేందుకు ఫైర్‌ డిటెక్షన్‌ సప్రెషన్‌ సిస్టం (ఎఫ్‌డీఎస్‌ఎస్‌)
• ప్రయాణికులకు సమాచారం చేరవేసేందుకు వీలుగా పబ్లిక్‌ అడ్రస్‌ సిస్టం
• ఒకసారి చార్జింగ్‌ చేస్తే 325 కిలోమీటర్ల దూరం ప్రయాణం.