Srinivas Goud | ఉమ్మడి పాలమూరు జిల్లా మొత్తం కరువు జిల్లాగా ప్రకటించాలి : మాజీ మంత్రి శ్రీనివాస్ గౌడ్
Srinivas Goud |ఉమ్మడి పాలమూరు జిల్లా మొత్తాన్ని కరువు జిల్లాగా ప్రకటించాలని, లేనిపక్షంలో సెక్రటేరియట్ను ముట్టడిస్తామని మాజీ మంత్రి శ్రీనివాస్ గౌడ్ రాష్ట్ర ప్రభుత్వాన్ని హెచ్చరించారు.
నాగర్ కర్నూల్ : ఉమ్మడి పాలమూరు జిల్లా మొత్తాన్ని కరువు జిల్లా ( Drought District ) గా ప్రకటించాలని, లేనిపక్షంలో సెక్రటేరియట్ను ముట్టడిస్తామని మాజీ మంత్రి శ్రీనివాస్ గౌడ్ ( Srinivas Goud ) రాష్ట్ర ప్రభుత్వాన్ని హెచ్చరించారు. శుక్రవారం జిల్లా కేంద్రంలోని మాజీ ఎమ్మెల్యే మర్రి జనార్దన్ రెడ్డి నివాస గృహంలో ఏర్పాటు చేసిన విలేకరుల సమావేశంలో ఆయన మాట్లాడారు. ప్రభుత్వం ఇటీవల ప్రకటించిన కరువు మండలాలలో ఉమ్మడి జిల్లాలో 15 మండలాలను ప్రకటించకపోవడం దారుణమని మండిపడ్డారు.
15 మండలాలలో రైతులు ప్రజలు సాగునీరు, తాగునీరు అందించాలని ఉద్యమాలు చేస్తున్న ప్రభుత్వానికి కనిపించడం లేదా అని ప్రశ్నించారు. రాష్ట్రంలో కరువును ప్రకటించ డం కాదని అధికారులతో సమీక్షలు జరిపి రైతులకు పంట నష్టపరిహారం అందించడంతో పాటు ప్రజలకు నిత్యవసర వస్తువులను కరువు సాయాన్ని అందించాలని డిమాండ్ చేశారు.
తమ ప్రభుత్వం అధికారంలో ఉన్న సమయంలో కరువును ఎదుర్కొనేం దుకు సమీక్షలు జరిపి రైతులకు పరిహారం అందించడంతోపాటు ప్రభుత్వ సంక్షేమ పథకాలను అందించడం వల్ల ప్రజల ఇబ్బందులను తీర్చడం జరిగిందని గుర్తు చేశారు. అచ్చంపేట నియోజకవర్గంలోని ఎత్తైన ప్రాంతంలో చెంచు పెంటలు త్రాగునీరు అందక ప్రజలు తాగునీటి కోసం ఇబ్బందులు ఎదుర్కొంటున్నారని అన్నారు.
తెలంగాణ సాగునీటిపారుదల శాఖలో అడ్వయిజరీగా ఆంధ్ర ప్రాంతం అధికారి ఉండటం వల్ల ప్రాజెక్టులు పూర్తి కావడంలేదని ఆగ్రహం వ్యక్తం చేశారు. ఉపాధి హామీ పథకం పనులను ముమ్మరం చేయాలని విద్యుత్ సమస్యలు పరిష్కరించడంతోపాటు సాగు తాగునీటి సమస్యను పరిష్కరించాలని కోరారు. పట్టాభద్రులైన ప్రతి ఓటరు తమ వివరాలను ఓటు హక్కు కోసం నమోదు చేసుకోవాలని కోరారు. ఈ సమావేశంలో మార్కెట్ కమిటీ చైర్మన్ వెంకటయ్య, మాజీ జడ్పీటీసీ శ్రీశైలం, కౌన్సిలర్లు గంగాధర్, జేపీ చారి, మాజీ మున్సిపల్ వైస్ చైర్మన్ బాబురావు, బీఆర్ఎస్ సీనియర్ నాయకులు షఫీ ఉల్లా ఖాన్, కేశవులు గౌడ్, శంకర్ గౌడ్, కురుమయ్య, కిషోర్ గౌడ్, టింకు తదితరులు పాల్గొన్నారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: అసదుద్దీన్ ఒవైసీని సుప్రీంకోర్టు జడ్జిగా పొరబడిన పోలీసులు.. గౌరవ వందనం సమర్పణ
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ

