Godavari | రామన్నగూడెం పుష్కర్ ఘాట్ వద్ద ప్రమాదకరంగా గోదావరి ప్రవాహం

Godavari | ములుగు జిల్లా (Mulugu) రామన్నగూడెం పుష్కర్ ఘాట్(Ramannagudem Pushkar Ghat) వద్ద గోదావరి(Godavari) నీటిమట్టం మళ్లీ పెరుగుతున్నది. గత కొన్ని రోజులుగా కురుస్తున్న భారీ వర్షాలతో(Heavy rains) ఎగువన నుంచి భారీగా వరద నీరు వచ్చి చేరుతున్నది.

హైదరాబాద్‌ : ములుగు జిల్లా (Mulugu) రామన్నగూడెం పుష్కర్ ఘాట్(Ramannagudem Pushkar Ghat) వద్ద గోదావరి(Godavari) నీటిమట్టం మళ్లీ పెరుగుతున్నది. గత కొన్ని రోజులుగా కురుస్తున్న భారీ వర్షాలతో(Heavy rains) ఎగువన నుంచి భారీగా వరద నీరు వచ్చి చేరుతున్నది. దీంతో సోమవారం నుంచి వరద ప్రవాహం క్రమంగా పెరుగుతూ వస్తున్నది. కాగా, మంగళవారం పుష్కర్ ఘాట్ వద్ద రెండవ ప్రమాద హెచ్చరిక చేరువలోకి గోదావరి ప్రవహిస్తున్నది. వరద మరింత పెరిగే అవకాశం ఉండడంతో లోతట్టు ప్రాంతాల ప్రజలు అప్రమత్తంగా ఉండాలని హెచ్చరికలు జారీచేశారు.

కాగా, భారీ వర్షాలతో ప్రాజెక్టులన్నీ నిండుకుండలుగా మారాయి. దీంతో అధికారులు గేట్లు ఎత్తి వరద నీటిని దిగువకు విడుదల చేస్తుండటంతో గోదావరి వరద అంతకంతకూ పెరుగుతున్నది. ఇంద్రావతి, ప్రాణహిత నదుల నుంచి గోదావరిలోకి లక్షల క్యూసెక్కుల వరద వస్తున్నది. చర్ల మండలంలోని తాలిపేరు ప్రాజెక్టుకు ఛత్తీస్‌గఢ్​నుంచి పెద్ద ఎత్తున వరద నీరు వచ్చి చేరుతున్నది. సోమవారం నుంచి లక్షన్నర క్యూసెక్కుల నీటిని దిగువన ఉన్న గోదావరిలోకి అధికారులు విడుదల చేస్తున్నారు. కాగా, గోదావరి ప్రవాహం 48 అడుగులకు చేరితే రెండో ప్రమాద హెచ్చరికను జారీచేయనున్నారు.