కొండా సురేఖపై కేటీఆర్‌ కేసు విచారణ 27కు వాయిదా

మంత్రి కొండా సురేఖ అనుచిత వ్యాఖ్యలతో తన పరువు, ప్రతిష్టలకు భంగం కలిగించారని పేర్కొంటూ బీఆర్‌ఎస్‌ వర్కింగ్‌ ప్రెసిడెండ్‌ కేటీఆర్‌ దాఖలు చేసిన పిటిషన్‌పై విచారణ వాయిదా పడింది.

నాంపల్లి కోర్టులు, నవంబర్‌ 23 (నమస్తే తెలంగాణ): మంత్రి కొండా సురేఖ అనుచిత వ్యాఖ్యలతో తన పరువు, ప్రతిష్టలకు భంగం కలిగించారని పేర్కొంటూ బీఆర్‌ఎస్‌ వర్కింగ్‌ ప్రెసిడెండ్‌ కేటీఆర్‌ దాఖలు చేసిన పిటిషన్‌పై విచారణ వాయిదా పడింది. మేజిస్ట్రేట్‌ సెలవులో ఉండటంతో ఈ విచారణను ఈ నెల 27కు వాయిదా వేస్తున్నట్టు నాంపల్లిలోని ప్రజాప్రతినిధుల కోర్టు శనివారం ప్రకటించింది.

ఇప్పటికే కోర్టు ఈ కేసులో కేటీఆర్‌తోపాటు సాక్షుల వాంగ్మూలాలను నమోదు చేసింది. మంత్రి సురేఖ చేసిన అనుచిత వ్యాఖ్యలపై టీవీ చానళ్లు, పత్రికలు, సోషల్‌ మీడియాలో కథనాలు రావడంతో ఆ క్లిప్పింగులను పెన్‌డ్రైవ్‌లో నిక్షిప్తం చేసి కేటీఆర్‌ కోర్టుకు సమర్పించారు. వీటిపై మంత్రి సురేఖ వివరణ ఇచ్చిన తర్వాత కోర్టు తన తీర్పును వెలువరించనున్నది.