చేయి తడిపితేనే బిల్లు

మత్స్యశాఖలో అవినీతి రాజ్యమేలుతున్నది. ఆ శాఖలో వివిధ పథకాల కింద పనులు చేసిన లబ్ధిదారులకు బిల్లుల మంజూరులో అధికారులు చేతివాటం ప్రదర్శిస్తున్నా రు. ఏ బిల్లు మంజూరు చేయాలన్నా, చేతులు తడపనిదే ఫైల్‌ కదిలించడం లేదని లబ్ధిదారు లు ఆరోపిస్తున్నారు.

• లంచమివ్వకుంటే ఎక్కడి ఫైల్‌ అక్కడే
• మత్స్యశాఖపై లబ్ధిదారుల ఆగ్రహం

హైదరాబాద్‌, ఏప్రిల్‌ 25 (నమస్తే తెలంగాణ): మత్స్యశాఖలో అవినీతి రాజ్యమేలుతున్నది. ఆ శాఖలో వివిధ పథకాల కింద పనులు చేసిన లబ్ధిదారులకు బిల్లుల మంజూరులో అధికారులు చేతివాటం ప్రదర్శిస్తున్నా రు. ఏ బిల్లు మంజూరు చేయాలన్నా, చేతులు తడపనిదే ఫైల్‌ కదిలించడం లేదని లబ్ధిదారు లు ఆరోపిస్తున్నారు.

కిందిస్థాయిలోని క్లర్కు లు మొదలుకొని రాష్ట్ర కార్యాలయ సిబ్బంది, అధికారుల వరకు అడుగడుగునా లంచాలు అడుగుతున్నారని చెప్తున్నారు. తీరా బిల్లులు మంజూరై ట్రెజరీకి వెళ్లాక వాటిని పాస్‌ చేయించుకునేందుకు అక్కడ కూడా లంచాలు ఇచ్చుకోవాల్సి వస్తున్నదని మండిపడుతున్నారు.

మూడేండ్ల క్రితం పనులకూ బిల్లులు రాలే..

• యాదాద్రి-భువనగిరి జిల్లాలోని మత్స్య పారిశ్రామిక సహకార సంఘానికి చెందిన ఓ మత్స్యకారుడు 2022-23లో హెక్టారు విస్తీర్ణంలో చేపల చెరువు ఏర్పాటు చేశాడు. దీంతో కేంద్ర ప్రభుత్వం నుంచి మంజూరైన సబ్సిడీని డ్రా చేసుకున్నాడు. కానీ, రాష్ట్ర ప్రభుత్వ వాటాగా రావాల్సిన మొత్తం ఇప్పటివరకు రాలేదు. దీనిపై ఇప్పటికీ పలు దఫాలుగా అధికారుల చుట్టూ తిరిగినా పట్టించుకోవడం లేదని ఆ లబ్ధిదారుడు వాపోతున్నాడు.
• నల్లగొండ జిల్లాలోని మత్స్య పారిశ్రామిక సహకార సంఘానికి చెందిన ఓ మత్స్యకారుడు 2023-24లో ఉచిత చేపపిల్లల పంపిణీ పథకం అమలు కోసం దాదాపు రూ.50 లక్షల విలువైన చేపపిల్లలను సరఫరా చేశాడు. కానీ, అధికారుల నిర్లక్ష్యం వల్ల ఆ బిల్లులు ఇప్పటికీ పెండింగ్‌లోనే ఉన్నాయని ఆ మత్స్యకారుడు ఆవేదన వ్యక్తం చేస్తున్నాడు.
• ఇటీవల ఓ మత్స్య పారిశ్రామిక సహకార సంఘానికి చెందిన మత్స్యకారుడు చేసిన పనులకు బిల్లులు మంజూరయ్యాయి. కానీ, రాష్ట్ర మత్స్యశాఖ కార్యాలయంలో ఆ నిధులు మంజూరు చేయాల్సిన అధికారికి లంచం ఇవ్వకపోవడంతో సంబంధిత చెక్కును ట్రెజరీకి పంపకుండా రోజుల తరబడి తన వద్దే పెట్టుకున్నట్టు తెలిసింది.