కేసీఆర్ ప్రోత్సాహంతో ‘సహకార’ పురోగతి
తెలంగాణ తొలి ముఖ్యమంత్రి కేసీఆర్ సహకార వ్యవస్థను బలోపేతం చేయడంతోపాటు ఎంతో ప్రోత్సాహాన్ని అందించారని, సహకార వ్యవస్థలో రాజకీయ జో క్యం ఉండదని స్పష్టం చేశారని కరీంనగర్ జిల్లా కేంద్ర సహకార బ్యాంకు, టెస్కాబ్, నాఫ్స్కాబ్ మాజీ చైర్మన్ కొండూరు రవీందర్రావు గుర్తుచేశారు.
- అందరి కృషితోనే అభివృద్ధి పథంలో సహకార బ్యాంకులు
- నాఫ్స్కాబ్ మాజీ చైర్మన్ కొండూరు రవీందర్రావు
కరీంనగర్, డిసెంబర్ 27 (నమస్తే తెలంగాణ): తెలంగాణ తొలి ముఖ్యమంత్రి కేసీఆర్ సహకార వ్యవస్థను బలోపేతం చేయడంతోపాటు ఎంతో ప్రోత్సాహాన్ని అందించారని, సహకార వ్యవస్థలో రాజకీయ జో క్యం ఉండదని స్పష్టం చేశారని కరీంనగర్ జిల్లా కేంద్ర సహకార బ్యాంకు, టెస్కాబ్, నాఫ్స్కాబ్ మాజీ చైర్మన్ కొండూరు రవీందర్రావు గుర్తుచేశారు. శనివారం కరీంనగర్లో సహకార సంఘాలు, బ్యాంకు ఉద్యోగులు ఆయనకు ఆత్మీయ వీడ్కోలు సభ నిర్వహించారు. మంత్రి పొన్నం ప్రభాకర్, మల్కాజిగిరి ఎంపీ ఈటల రాజేందర్, విప్ ఆది శ్రీనివాస్, ఎమ్మెల్యేలు కవ్వంపల్లి సత్యనారాయణ, మేడిపల్లి సత్యం, మాజీ ఎమ్మెల్యే లు, ఎమ్మెల్సీలు ఆయనను ఘనంగా సన్మానించారు. ఈ సందర్భంగా రవీందర్రావు మాట్లాడుతూ.. తెలంగాణ ఏర్పడే నాటికి రూ.1,600 కోట్లు ఉన్న సహకార బ్యాంకుల వ్యాపారం ఇప్పుడు రూ.40 వేల కోట్లకు ఎదిగిందని తెలిపారు. 2005లో కరీంనగర్ సహకార బ్యాంకు అధ్యక్షుడిగా ఎన్నికైనపుడు కరీంనగర్ బ్యాంక్ మూసివేసే దిశలో ఉందని చెప్పా రు. ఇప్పుడు రూ.400 కోట్ల వ్యాపారం నుంచి రూ.8,100 కోట్ల వ్యాపారం చేసే స్థాయికి ఎదిగిందని, రూ.990 కోట్ల డిపాజిట్లు సేకరించగలిగామని చెప్పారు.
సహకార ఎన్నికలు నిర్వహించాలి : ఈటల రాజేందర్
సహకార ఎన్నికలు వెంటనే నిర్వహించాలని మల్కాజిగిరి ఎంపీ ఈటల రాజేందర్ డిమాండ్ చేశారు. సహకార సంఘాలకు, పార్టీ రాజకీయాలకు సంబంధాలు ఉండవని తెలిపారు. గ్రామీణ ప్రాంతాల్లో రైతులకు అందుబాటులో ఉండే అతి పెద్ద ఆర్థిక వ్యవస్థ సహకార సంఘాలేనని చెప్పారు. ఇలాంటి సంఘాలకు పాలకవర్గాలు ఉండాలని పేర్కొన్నారు.
పూర్తి స్థాయిలో సేవలందించాలి : మాజీ ఎమ్మెల్సీ జీవన్రెడ్డి
సహకార సంఘాల ద్వారా రైతులకు పూర్తి స్థాయిలో సేవలు అందించాలని మాజీ ఎమ్మెల్సీ జీవన్రెడ్డి సూచించారు. రైతులకు పంట రుణాలపై 7 శాతం వడ్డీలో కేంద్ర ప్రభుత్వం నుంచి 3 శాతం వస్తున్నదని, రాష్ట్రం చెల్లించాల్సిన 4 శాతం వడ్డీ రాయితీ రావడం లేదని ఆరోపించారు. దీర్ఘకాలిక, మధ్యకాలిక రుణాలపై 6 శాతం వడ్డీ రాయితీ కూడా రావడం లేదని, అసైన్డ్ భూములపైనా బ్యాంకుల్లో రుణాలు ఇవ్వడం లేదని వాపోయారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
Ind vs Nz | వెల్లింగ్టన్ టెస్టులో భారత్ పరుగుల విధ్వంసం.. 9 వికెట్లు సాధిస్తే టీమిండియాదే గెలుపు
Ajay Devgn | ఓటీటీలోకి అజయ్ దేవగన్ ‘దృశ్యం: ది కన్క్లూజన్’.. స్ట్రీమింగ్ తేదీ అధికారిక ప్రకటన!
మంచిర్యాలను కమ్మేసిన పొగమంచు.. తెల్లవారుజామున కనువిందు చేసిన ప్రకృతి అందాలు!
Parliament Session | కొనసాగింపా..శీతాకాలమా.. 100 రోజులు పూర్తయినా ప్రొరోగ్ కాని ఉభయ సభలు?
Delimitation Bill | ఒక్కో ఎంపీకి రూ.150 కోట్ల ఆఫర్.. డీలిమిటేషన్ బిల్లు ఆమోదానికి ప్రలోభాలు: సంజయ్ రౌత్
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

