Namasthe Telangana | ‘నమస్తే తెలంగాణ’పై కాంగ్రెస్‌ ఫిర్యాదు.. ఎందుకంటే?

‘గురుశిష్యుల రహస్య భేటీ’ శీర్షికతో శనివారం ‘నమస్తే తెలంగాణ’ దినపత్రికలో ప్రచురితమైన కథనంపై పోలీసులకు కాంగ్రెస్‌ ఫిర్యాదు చేసింది. టీడీపీ అధినేత నారా చంద్రబాబునాయుడు, సీఎం రేవంత్‌రెడ్డి బేగంపేట విమానాశ్రయంలో రహస్యంగా భేటీ అయినట్టు వచ్చిన వార్తలు పూర్తిగా నిరాధారమని, ఆ వార్త ప్రచురించిన దినపత్రికపై చర్యలు తీసుకోవాలంటూ కాంగ్రెస్‌ ఎమ్మెల్సీ మహేశ్‌కుమార్‌గౌడ్‌ బేగంపేట పోలీసులకు ఫిర్యాదు చేశారు.

Namasthe Telangana | జూబ్లీహిల్స్‌, మార్చి9: ‘గురుశిష్యుల రహస్య భేటీ’ శీర్షికతో శనివారం ‘నమస్తే తెలంగాణ’ దినపత్రికలో ప్రచురితమైన కథనంపై పోలీసులకు కాంగ్రెస్‌ ఫిర్యాదు చేసింది. టీడీపీ అధినేత నారా చంద్రబాబునాయుడు, సీఎం రేవంత్‌రెడ్డి బేగంపేట విమానాశ్రయంలో రహస్యంగా భేటీ అయినట్టు వచ్చిన వార్తలు పూర్తిగా నిరాధారమని, ఆ వార్త ప్రచురించిన దినపత్రికపై చర్యలు తీసుకోవాలంటూ కాంగ్రెస్‌ ఎమ్మెల్సీ మహేశ్‌కుమార్‌గౌడ్‌ బేగంపేట పోలీసులకు ఫిర్యాదు చేశారు. ఆయన ఫిర్యాదుతో 154/2024యూఎస్‌, 505(1) (బి) (సి), 505 (2) ఆర్‌/ డబ్లూ, 109 సెక్షన్ల కింద కేసు నమోదుచేసినట్టు పోలీసులు తెలిపారు.