Chandrababu | తెలంగాణ వ్యతిరేక కుట్రలు.. కుయుక్తులకు కేరాఫ్‌ చంద్రబాబు

చంద్రబాబు.. అంటే తెలంగాణ వ్యతిరేక కుట్ర లు, కుయుక్తులకు కేరాఫ్‌. ఆయనలో నరనరాన తెలంగాణ వ్యతిరేకతే కనిపిస్తుంది. తెలంగాణ ప్రయోజనాలకు గండికొట్టడంలో చంద్రబాబు ను మించినవారుండరనేది చారిత్రక వాస్తవం.

• తెలంగాణపై బాబు కుట్రలివి
• ఏడు మండలాలు లాక్కొని విద్యుత్తు సరఫరా నిలిపేసిన ఘనుడు
• టీడీపీ హయాంలో తెలంగాణ పదం నిషేధం

Chandrababu | హైదరాబాద్‌, జూలై 5 (నమస్తే తెలంగాణ): చంద్రబాబు.. అంటే తెలంగాణ వ్యతిరేక కుట్ర లు, కుయుక్తులకు కేరాఫ్‌. ఆయనలో నరనరాన తెలంగాణ వ్యతిరేకతే కనిపిస్తుంది. తెలంగాణ ప్రయోజనాలకు గండికొట్టడంలో చంద్రబాబు ను మించినవారుండరనేది చారిత్రక వాస్తవం. చంద్రబాబు ఉమ్మడి రాష్ట్ర ముఖ్యమంత్రిగా ఉన్నప్పుడు అసెంబ్లీలో తెలంగాణ పేరును ఉ చ్ఛరించేందుకు కూడా అనుమతించని దారుణ పరిస్థితులను తెలంగాణ చవిచూసింది.

స్వరాష్ట్ర ఏర్పాటును చంద్రబాబు అడుగడుగునా అడ్డుకున్నారు. రాష్ట్రం ఏర్పడిన తరువాత కూడా అ దే తీరును ప్రదర్శించారు. ఏడు మండలాలను లాక్కుని, విద్యుత్తు సరఫరాను నిలిపివేసి అణువణువునా తెలంగాణను ఇబ్బందులపాలు చే శారు. మళ్లీ ఇప్పుడు తెలంగాణ ముఖ్యమంత్రి రేవంత్‌రెడ్డితో కలిసి సరికొత్త జగన్నాటకానికి తెరలేపారు.

విభజన సమస్యల పరిష్కారం కోసం సీఎంల భేటీ అంటూ డ్రామా మొదలుపెట్టారు. తెలంగాణపై కసిపెట్టుకుని.. ఇప్పుడు మొసలి కన్నీరు కార్చేందుకు రెడీ అయ్యారు. ఆకలిగా ఉన్నవాడి అన్నం లాక్కునే ప్రయత్నంచేసి.. అజీర్తి చేసిన వారికి సద్దికట్టినట్టుగా వ్యవహరించిన చంద్రబాబు.. ఇప్పుడు తెలంగాణ అన్నాన్ని మళ్లీ లాక్కునేందుకే ఇలా చేస్తున్నారని తెలంగాణవాదులు ఆరోపిస్తున్నారు.

చంద్రబాబు కుట్రల చిట్టా..

• తెలంగాణ రాష్ట్రంగా ఏర్పడగానే భద్రాచలం డివిజన్‌లోని ఏడు మండలాలను తెలంగాణ ప్రభుత్వంతో కనీసం సంప్రదించకుండా చంద్రబాబే కేంద్రంపై ఒత్తిడి తెచ్చి విలీనం చేసుకున్నారు. 460 మెగావాట్ల లోయర్‌ సీ లేరు విద్యుత్తు ప్రాజెక్టును తెలంగాణకు దక్క నివ్వలేదు. చేశారు. అనంతపురం, కర్నూల్‌లో 400 మోగావాట్ల సంప్రదాయేతర వి ద్యుత్తు ప్లాంట్ల ద్వారా ఒక్క యూనిట్‌ విద్యు త్తు రాకుండా చంద్రబాబే అడ్డుకున్నారు.
• తెలంగాణ ఏర్పడ్డప్పుడు రాష్ట్రంలో కరెంట్‌ క ష్టాలు వర్ణణాతీతం. విభజన చట్టం ప్రకారం రెండు రాష్ర్టాల్లో ఉత్పత్తి అయిన కరెంట్‌లో 54% తెలంగాణకు ఇవ్వాలి. ఏపీలో అధికారంలోకి రాగానే బాబు పవర్‌ పర్చేజ్‌ అగ్రిమెంట్లను రద్దుచేశారు. కృష్ణపట్నం నుంచి కరెంట్‌ రాకుండా అడ్డుకున్నారు. ఏపీ నుంచి తెలంగాణకు రావాల్సిన విద్యుత్తును అడ్డగించారు. తాను వ్యతిరేకించినా తెలంగాణ స్వ రాష్ట్రమయ్యింది అన్న అక్కసుతో తెలంగాణను చీకట్లల్లో ఉంచేందుకు, రైతుల ఉసురుపోసుకునేందుకు చంద్రబాబు చేసిన కుట్రలకు ఈ ఒక్క ఉదాహరణే నిదర్శనం.
• సరిగ్గా కరెంట్‌ కోతలున్నపుడే కడపలోని రాయలసీమ థర్మల్‌ పవర్‌ప్లాంట్‌ (ఆర్‌టీపీ పీ), విజయవాడ థర్మల్‌ పవర్‌ప్లాంట్‌ (వీటీపీఎస్‌)లలో విద్యుత్తు ఉత్పత్తిని నిలిపివేశా రు. దీంతో తెలంగాణకు రావాల్సిన 710 మె గావాట్ల విద్యుత్తు నిలిచిపోయింది. అప్పుడే పుట్టిన బిడ్డలాంటి తెలంగాణను పురిట్లోనే చంపేందుకు చంద్రబాబు పన్నిన విషపు ప న్నాగంలో భాగమే ఈ చర్య. తెలంగాణకు అదనపు విద్యుత్తు కావాలని కేంద్రాన్ని కో రితే ఢిల్లీకి వెళ్లి తెలంగాణకు అదనపు వి ద్యుత్తు రాకుండా అడ్డుకున్నది బాబే. కేంద్ర విద్యుత్తు పాలసీలో మూడు రాష్ర్టాలకు 24 గంటల కరెంట్‌ పథకం పెడితే.. తెలంగాణకు దక్కకుండా అడ్డుకుని 24 గంటల కరెంట్‌ పథకాన్ని ఏపీకి తరలించుకుపోయారు.
• విభజన చట్టం ప్రకారం ఎంసెట్‌ సహా పలు ప్రొఫెషనల్‌ కోర్సుల్లో ప్రవేశాలకు రెండు రా ష్ర్టాల్లోనూ సమాన అవకాశాలు కల్పించారు. ఓపెన్‌ కోటాలో 15% సీట్లకు ఇరు రాష్ర్టాల విద్యార్థులు పోటీపడే అవకాశం ఉన్నది. తె లంగాణ రాష్ట్రంలో ఏపీ విద్యార్థులకు అవకాశం కల్పించగా, ఏపీ మాత్రం తెలంగాణ విద్యార్థులకు అవకాశం కల్పించకుండా నో టిఫికేషన్‌ ఇచ్చింది. మళ్లీ పునరుద్ధరించారు.
• హైదరాబాద్‌ ఉమ్మడి రాజధాని సాకుగా చూపి శాంతిభద్రతలను గవర్నర్‌కు అప్పగించాలని అప్పట్లో చంద్రబాబు స్వయంగా కేంద్రానికి లేఖ రాశారు. తమ ప్రాంత ప్రజలున్నారని, రక్షణ కల్పించాలని అప్పట్లో హడావుడి చేశారు. పోలీసు చెక్‌పోస్టులు పెడతామన్నారు. తెలంగాణ మీద పెత్తనం చేసేందుకు, కేంద్ర ప్రభుత్వం పేరుతో హైదరాబాద్‌ను తామే పాలించాలని అప్పట్లో బాబు కుట్రలు పన్నారు.
• తెలంగాణకు పెట్టుబడులు రాకుండా అడ్డుకునేందుకు మతఘర్షణలు జరుగుతాయని బెదిరించారు. పవర్‌పాయింట్‌ ప్రజెంటేషన్లు పెట్టి మరీ బాంబుపేలుళ్ల విజువల్స్‌ను చూపించి, నక్సలైట్ల సమస్య ఉన్నదని రిపోర్టులిచ్చారు. తెలంగాణ అంటేనే టెర్రరిస్టులు, నక్సలైట్ల అడ్డా అని పెట్టుబడులు రాకుండా విషప్రచారం చేశారు.
• హైదరాబాద్‌లో అక్రమ నిర్మాణాల విషయంలో అప్పటి బీఆర్‌ఎస్‌ ప్రభుత్వం కఠినంగా వ్యవహరించింది. దీనిని అడ్డుకునేందుకు అప్పట్లో టీడీపీ ఎమ్మెల్యేలను పురామాయించి చంద్రబాబు ధర్నాలు చేయించారు. తద్వారా తెలంగాణలో అక్రమ నిర్మాణాలను స్వయంగా ప్రోత్సహించారు.
• నేషనల్‌ అకాడమీ ఆఫ్‌ కన్‌స్ట్రక్షన్‌ (న్యాక్‌) అనే సంస్థ ఉన్నది హైదరాబాద్‌లో. ఈ సంస్థకు ఏపీ ప్రభుత్వం అప్పట్లో డైరెక్టర్‌ జనరల్‌ను నియమించింది. తెలంగాణకు చెందిన ఒక సంస్థకు ఏపీ డైరెక్టర్‌ జనరల్‌ను నియమించిన నీతిమాలిన చరిత్ర చంద్రబాబుది.
• పబ్లిక్‌ సర్వీస్‌ కమిషన్‌ సహా ఉమ్మడి సంస్థలకు చెందిన అకౌంట్లను ఫ్రీజ్‌చేశారు. దీంతో తెలంగాణకు వాటాగా రావాల్సిన నిధులు దక్కడంలేదు. విద్యుత్తు ఉద్యోగుల పెన్షన్‌ ట్రస్టుకి సంబంధించి ఏపీ జెన్‌కో నుంచి రూ.2,478 కోట్లు, ఏపీ ట్రాన్స్‌కో నుంచి తెలంగాణ ట్రాన్స్‌కోకు రూ.914 కోట్ల చొప్పున మొత్తంగా రూ.3,392 కోట్లు రావాల్సి ఉన్నది. ఇవేకాకుండా ఏపీ విద్యుత్తు సంస్థల నుంచి తెలంగాణ విద్యుత్తు సంస్థలకు రూ.3,392 కోట్లు బకాయిల రూపంలో రావాల్సి ఉన్నది.