బీసీ రిజర్వేషన్ల కేటాయింపు సరిగ్గా లేదు.. ఎన్నికలు ఆపేయాలి: బీసీ కమిషన్

రిజర్వేషన్ల ఖరారు అంశంలో కాంగ్రెస్‌ ప్రభుత్వం వ్యవహరించిన తీరుపై రాష్ట్ర బీసీ కమిషన్‌ తీవ్ర ఆగ్రహం వ్యక్తం చేసింది. రిజర్వేషన్లలో బీసీలకు అన్యాయం జరిగిందని వెల్లడించింది. తక్షణం ఎన్నికలను నిలిపివేసి, రిజర్వేషన్లను సవరించాలని డిమాండ్‌ చేసింది. ఈ మేరకు బీసీ కమిషన్‌ చైర్మన్‌ నిరంజన్‌, సభ్యులు రాపోలు జయప్రకాశ్‌, తిరుమలగిరి సురేందర్‌, బాల లక్ష్మి రంగు శుక్రవారం సంయుక్త ప్రకటన విడుదల చేశారు. స్థానిక సంస్థల్లో బీసీలకు కల్పించిన రిజర్వేషన్లను సమీక్షించినట్టు వెల్లడించారు.

హైదరాబాద్‌, నవంబర్‌ 28 (నమస్తే తెలంగాణ): రిజర్వేషన్ల ఖరారు అంశంలో కాంగ్రెస్‌ ప్రభుత్వం వ్యవహరించిన తీరుపై రాష్ట్ర బీసీ కమిషన్‌ తీవ్ర ఆగ్రహం వ్యక్తం చేసింది. రిజర్వేషన్లలో బీసీలకు అన్యాయం జరిగిందని వెల్లడించింది. తక్షణం ఎన్నికలను నిలిపివేసి, రిజర్వేషన్లను సవరించాలని డిమాండ్‌ చేసింది. ఈ మేరకు బీసీ కమిషన్‌ చైర్మన్‌ నిరంజన్‌, సభ్యులు రాపోలు జయప్రకాశ్‌, తిరుమలగిరి సురేందర్‌, బాల లక్ష్మి రంగు శుక్రవారం సంయుక్త ప్రకటన విడుదల చేశారు. స్థానిక సంస్థల్లో బీసీలకు కల్పించిన రిజర్వేషన్లను సమీక్షించినట్టు వెల్లడించారు.

2019లో నిర్వహించిన పంచాయతీ ఎన్నికల్లో బీసీలకు 22.78 శాతం రిజర్వేషన్లు లభించాయని, కానీ ప్రస్తుతం 21.39 శాతమేనని, మొత్తంగా బీసీ కోటాలో గతంతో పోల్చితే 1.39 శాతం తగ్గిందని వివరించారు. రాష్ట్ర జనాభాలో బీసీలు 56.33 శాతం ఉన్నట్టు ఇటీవలి ఇంటింటి సర్వేనే తేల్చిందని, అయినా గతంలో కంటే బీసీలకు రిజర్వేషన్లు తగ్గడమేంటని ఆశ్చ ర్యం వ్యక్తం చేశారు. రిజర్వేషన్లను నిర్ధారించే ప్రక్రియలో పొరపాట్లు జరిగాయని, ఫలితంగానే బీసీ 5వ పేజీలో

కోటా తగ్గిందని తేల్చిచెప్పారు. ఉన్నతస్థాయి కమిటీని ఏర్పాటు చేసి రిజర్వేషన్ల ఖరారులో లోపాలను సరిదిద్దాలని, అందుకోసం తక్షణం ఎన్నికలను నిలిపేయాలని డి మాండ్‌ చేశారు. లేకుంటే బీసీలకు తీవ్రమైన నష్టం వాటిల్లుతుందని హెచ్చరించారు. బీసీ కమిషన్‌ కార్యాయలంలో మహాత్మా జ్యోతిబా ఫూలే 135వ వర్ధంతి నిర్వహించారు. ఫూలే చిత్రపటానికి పూలమాలలు వేసి ఘనంగా నివాళులర్పించారు. కమిషన్‌ చైర్మన్‌, సభ్యులు, కార్యాలయ ఉద్యోగులు పాల్గొన్నారు.