జీపీవోల నియామకంపై గందరగోళం

గ్రామ పాలన అధికారుల(జీపీవో) నియామకంపై గందరగోళం కొనసాగుతున్నది. పూర్వ వీఆర్‌వోలు, వీఆర్‌ఏలను తీసుకుంటామని ప్రభుత్వం ఇప్పటికే ఉత్తర్వులు జారీ చేసింది. ఈనెల 16 వరకు ఆప్షన్లు తీసుకుంటామని చెప్పింది.

• ఆప్షన్లకు దూరంగా ఉండాలని వీఆర్‌వోలు, వీఆర్‌ఏలు నిర్ణయం

హైదరాబాద్‌, ఏప్రిల్‌ 10 (నమస్తే తెలంగాణ): గ్రామ పాలన అధికారుల(జీపీవో) నియామకంపై గందరగోళం కొనసాగుతున్నది. పూర్వ వీఆర్‌వోలు, వీఆర్‌ఏలను తీసుకుంటామని ప్రభుత్వం ఇప్పటికే ఉత్తర్వులు జారీ చేసింది. ఈనెల 16 వరకు ఆప్షన్లు తీసుకుంటామని చెప్పింది. అయితే.. ప్రమో షన్లపై స్పష్టత ఇవ్వకపోవడంతో ఉద్యోగుల్లో ఆందోళన కొనసాగుతున్నది. దీంతో ప్రభు త్వం నుంచి స్పష్టత వచ్చే వరకు ఆప్షన్లకు దూరంగా ఉండాలని మెజారిటీ వీఆర్‌వో లు, వీఆర్‌ఏలు నిర్ణయించినట్టు తెలిసింది.

ఉద్యోగుల సందేహాలు..

• జీపీవోలుగా నియమిస్తామని ప్రభు త్వం చెప్తున్నా.. అది ఏ క్యాడర్‌ పోస్టు అనే అంశంపై స్పష్టత లేదు.
• జీపీవో తర్వాత ప్రమోషన్‌ కల్పిస్తారా? లేదా..? అనే అంశంపై రెవెన్యూ సంఘాల నాయకులకే వివరాలు తెలియవు. జీవితకాలం ఒకే పోస్టులో ఉండిపోవాల్సి వస్తుందనేది ఉద్యోగుల ఆందోళన.
• ప్రస్తుతం డిగ్రీ పూర్తి చేసిన వీఆర్‌వోలు, వీఆర్‌ఏలు వివిధ శాఖల్లో జూనియర్‌ అసిస్టెంట్‌ హోదాలో పనిచేస్తున్నారు. ఒకవేళ ప్రభుత్వం జీపీవో తర్వాత ఆర్‌ఐ లేదా జూనియర్‌ అసిస్టెంట్‌ ప్రమోషన్‌ కల్పిస్తే మళ్లీ అదే క్యాడర్‌లో పని చేయాల్సి వస్తుందని, ప్రమోషన్‌ ఇచ్చినట్టు ఎలా అవుతుందని ప్రశ్నిస్తున్నారు.
• ప్రస్తుతం ఇతర శాఖల్లో అందుకుంటున్న వేతనాన్ని కొనసాగిస్తామని ప్రభుత్వం చెప్తున్నది. అంటే జూనియ ర్‌ అసిస్టెంట్‌గా ఉన్న వారికి అదే వేత నం కొనసాగనున్నది. ఒకవేళ వారికి జీపీవో నుంచి జూనియర్‌ అసిస్టెంట్‌గా ప్రమోషన్‌ ఇస్తే.. వేతనం ఎలా పెంచుతారని చర్చ జరుగుతున్నది.
• పరీక్ష నిర్వహించి రెవెన్యూ శాఖలోకి తీసుకుంటామని ప్రభుత్వం చెప్తున్నది. ఇప్పటివరకు
  సిలబస్‌పై స్పష్టత లేదు.