మంత్రుల అధికారాలకు కత్తెర.. మంత్రుల పేషీలపై నిఘా నేత్రం!
వివాదాస్పదంగా మారిన మంత్రి కొండా సురేఖ ఓఎస్డీ సుమంత్ ఉదంతాన్ని సాకుగా చూపుతూ మంత్రులందరి అధికారులకు కత్తెర వేసేందుకు ముఖ్యమంత్రి రేవంత్రెడ్డి రంగం సిద్ధంచేసినట్టు తెలుస్తున్నది. మంత్రుల పేషీలపై నిఘాను మరింత పెంచాలని నిర్ణయించినట్టు సమాచారం. ఇందుకు సంబంధించిన బాధ్యతలను ఇంటెలిజెన్స్, ఏసీబీ విభాగాలకు అప్పగించినట్టు చర్చ జరుగుతున్నది.
- ఇంటెలిజెన్స్, ఏసీబీకి బాధ్యతలు
- ఇక ప్రతి ఫైల్పై, కదలికపై నిఘా
- ఇకపై ఏ నిర్ణయమూ స్వేచ్ఛగా తీసుకోలేని స్థితికి మంత్రులు
హైదరాబాద్, అక్టోబర్ 16(నమస్తే తెలంగాణ) : వివాదాస్పదంగా మారిన మంత్రి కొండా సురేఖ ఓఎస్డీ సుమంత్ ఉదంతాన్ని సాకుగా చూపుతూ మంత్రులందరి అధికారులకు కత్తెర వేసేందుకు ముఖ్యమంత్రి రేవంత్రెడ్డి (Revanth Reddy) రంగం సిద్ధంచేసినట్టు తెలుస్తున్నది. మంత్రుల పేషీలపై నిఘాను మరింత పెంచాలని నిర్ణయించినట్టు సమాచారం. ఇందుకు సంబంధించిన బాధ్యతలను ఇంటెలిజెన్స్, ఏసీబీ విభాగాలకు అప్పగించినట్టు చర్చ జరుగుతున్నది. పేషీలో ప్రతి అంశాన్ని రికార్డు చేయాలని సదరు అధికారులను ఆదేశించినట్టు తెలిసింది. ప్రతి ఫైల్కు సంబంధించిన అంశాన్ని, ప్రతి అధికారి కదలికలపై నిఘా పెట్టాలని, ప్రతి సందర్భాన్ని సీఎంవోకు రిపోర్ట్ చేయాలని ఆదేశించినట్టు సమాచారం. ముఖ్యంగా టెండర్లు, ఆర్థికాంశాలు, అనుమతులకు సంబంధించిన ఫైళ్లు కచ్చితంగా సీఎంవో దృష్టికి తీసుకొనిరావాలని ఆదేశించినట్టు తెలుస్తున్నది.
నిఘాపై మంత్రులు గరంగరం
పేషీలపై నిఘా అంటే.. పరోక్షంగా మంత్రుల అధికారాలకు, స్వేచ్ఛకు కత్తెర వేయడమేననే అభిప్రాయాలు వ్యక్తమవుతున్నాయి. తమ పేషీలపై నిఘా పెట్టాలన్న నిర్ణయాన్ని మంత్రులు తీవ్రంగా వ్యతిరేకిస్తున్నట్టు తెలిసింది. ఏదో ఒక ఘటన జరిగితే మొత్తం వ్యవస్థకే ఆపాదించడం ఏమిటని ప్రశ్నిస్తున్నట్టు సమాచారం. ఈ సాకుతో తమ అధికారాలను గుప్పిట్లోకి లాక్కోవడం ఏమిటని నిలదీస్తున్నట్టు తెలిసింది. కాంగ్రెస్ పార్టీలోనూ ఇదే అభిప్రాయం వ్యక్తమవుతున్నది. ఇక ప్రతి ఫైలుకు సీఎంవో అనుమతి కావాలంటే ఎలా అని ప్రశ్నిస్తున్నట్టు తెలిసింది. మంత్రులుగా ఉంటూ చిన్నచిన్న పనులకు కూడా సీఎం, సీఎంవో అనుమతి కోసం పడిగాపులు కాయాల్నా? అని ఆగ్రహం వ్యక్తంచేస్తున్నట్టు తెలిసింది. దీనిపై ఓ మంత్రి స్పందిస్తూ… ‘మా పేషీల సంగతి పక్కనపెట్టి ముందు సీఎంవోలో ఏం జరుగుతున్నదో చూసుకోండి’ అని వ్యాఖ్యానించినట్టు తెలిసింది. ముందు సీఎంవోను చక్కదిద్దాలని, సీఎంవో కేంద్రంగానే భారీ ఎత్తున అవినీతి జరుగుతున్నదనే ఆరోపణలను ఆయన గుర్తుచేసినట్టు తెలిసింది. నిఘా నిర్ణయం అమల్లోకి వస్తే ఏ పేషీలోనూ స్వేచ్ఛగా పనిచేసే పరిస్థితి ఉండదని, ప్రతిక్షణం భయంగా బతకాల్సిన పరిస్థితి ఉంటుందనే అభిప్రాయాలు వ్యక్తమవుతున్నాయి.
Read Today's Latest Telangana News in Telugu and Telugu News
RELATED ARTICLES
తాజా వార్తలు
Harish Rao | మాటల్లో వజన్ లేదు.. చేతల్లో విజన్ లేదు.. సిద్దిపేటలో రేవంత్రెడ్డి చిల్లర ప్రసంగంపై హరీశ్రావు ఫైర్
Land Scam | మాజీ డీజీపీ భూమికి ఎసరు.. 4.27 ఎకరాల పట్టాభూమి రియల్టర్ పేరు పైకి!
KTR | 5 లక్షల కోట్ల అవినీతి.. రేవంత్రెడ్డి దందాలను సొంత ఎమ్మెల్యేలే బయటపెడుతున్నరు: కేటీఆర్
Horoscope | 20-11-2026 శుక్రవారం.. మీ రాశి ఫలాలు
Revanth Reddy | ప్రజల సొమ్ముతో రేవంత్ ఫుట్బాల్..తనను కోసినా రూపాయిలేదన్న సీఎం వ్యాఖ్యలపై సెటైర్లు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

