లక్ష్యాలు, ఆశయాలు సాధించుకోవాలి

గతాన్ని సమీక్షించుకుం టూ, వర్తమానాన్ని విశ్లేషించుకుంటూ, భవిష్యత్తును అన్వయించుకుంటూ మన జీవితాలను మరింత గుణాత్మకంగా తీర్చిదిద్దుకోవడం ద్వారానే నూతనత్వం సంతరిస్తుందని ముఖ్యమంత్రి కే చంద్రశేఖర్‌రావు పేర్కొన్నారు.

• ప్రజలకు సీఎం కేసీఆర్‌ నూతన సంవత్సర శుభాకాంక్షలు

హైదరాబాద్‌, డిసెంబర్‌ 31 (నమస్తే తెలంగాణ): గతాన్ని సమీక్షించుకుం టూ, వర్తమానాన్ని విశ్లేషించుకుంటూ, భవిష్యత్తును అన్వయించుకుంటూ మన జీవితాలను మరింత గుణాత్మకంగా తీర్చిదిద్దుకోవడం ద్వారానే నూతనత్వం సంతరిస్తుందని ముఖ్యమంత్రి కే చంద్రశేఖర్‌రావు పేర్కొన్నారు. 2023 నూతన సంవత్సరం సందర్భంగా సీఎం కేసీఆర్‌ దేశ, రాష్ట్ర ప్రజలందరికీ శుభాకాంక్షలు తెలియజేశారు. నిర్దిష్ట లక్ష్యాలను రూ పొందించుకుని యువత తమ ఆశయ సాధన కోసం ముందుకు సాగాలని పిలుపునిచ్చారు. జీవితం పట్ల సరైన దృక్ప థం, సంకల్ప బలం ఉంటేనే లక్ష్య సాధనలో సఫలీకృతులమవుతామని పేర్కొన్నారు. ఎన్నో అవాంతరాలు, సమస్య లు, వివక్షను ఎదుర్కొంటూ నేడు దేశాని కే ఆదర్శంగా నిలిచిన తెలంగాణ రాష్ట్ర ప్రగతి ప్రస్థానం అందరికీ ఆదర్శమని స్ప ష్టంచేశారు. అనతికాలంలో తెలంగాణ రాష్ట్రం అభివృద్ధి, సంక్షేమంలో దేశానికి రోల్‌మాడల్‌గా మారిందని తెలిపారు. నూతన సంవత్సరం తెలంగాణతోపాటు దేశ ప్రజల జీవితాల్లో అన్ని రంగాల్లో గుణాత్మక ప్రగతికి బాటలు వేయాలని, దేశంలో సరికొత్త ప్రజా రాజకీయాలకు, పాలనకు నాందిగా నిలవాలని ఆకాంక్షించారు. 2023లో సరికొత్త ఆశలు, లక్ష్యాలతో ప్రజలు మరింత సుఖసంతోషాలతో, ఆయురారోగ్యాలతో జీవించాలని అభిలషించారు. నూతన సంవత్సర వేడుకలను ప్రశాంతంగా జరుపుకోవాలని సీఎం కేసీఆర్‌ సూచించారు.