CM Breakfast | సర్కారు బడుల్లో నవ శకం..రాష్ట్ర వ్యాప్తంగా సీఎం బ్రేక్‌ఫాస్ట్‌ పథకం ప్రారంభం

CM Breakfast | తెలంగాణ(Telangana)లో బీఆర్‌ఎస్‌ ప్రభుత్వం నవ శకానికి నాంది పలికింది. ప్రభుత్వ పాఠశాలల్లో ఉండే పిల్లలకు పౌష్ఠికాహారం అందించేందుకు మానవీయ కోణంలో స్పందించింది. దేశంలో ఎక్కడా లేని విధంగా విద్యార్థులకు బ్రేక్ ఫాస్ట్ అందించేందుకు శ్రీకారం చుట్టింది. అందులో భాగంగా ముఖ్యమంత్రి అల్పాహార (CM Breakfast) పథకం రాష్ట్ర వ్యాప్తంగా లాంఛనంగా ప్రారంభమైంది.

హైదరాబాద్‌ : తెలంగాణ(Telangana)లో బీఆర్‌ఎస్‌ ప్రభుత్వం నవ శకానికి నాంది పలికింది. ప్రభుత్వ పాఠశాలల్లో ఉండే పిల్లలకు పౌష్ఠికాహారం అందించేందుకు మానవీయ కోణంలో స్పందించింది. దేశంలో ఎక్కడా లేని విధంగా విద్యార్థులకు బ్రేక్ ఫాస్ట్ అందించేందుకు శ్రీకారం చుట్టింది. అందులో భాగంగా ముఖ్యమంత్రి అల్పాహార (CM Breakfast) పథకం రాష్ట్ర వ్యాప్తంగా లాంఛనంగా ప్రారంభమైంది.

శుక్రవారం రంగారెడ్డి జిల్లా రావిర్యాల జిల్లాపరిషత్‌ స్కూల్‌లో విద్యాశాఖ మంత్రి సబితా ఇంద్రారెడ్డితో (Minister Sabitha Indra Reddy) కలిసి మంత్రి హరీశ్‌ రావు (Minister Harish Rao) ప్రారంభించారు. విద్యార్థులకు అల్పాహారం వడ్డించారు. ఇక రాష్ట్రంలోని నియోజకవర్గానికి ఒక పాఠశాల చొప్పున ఈ కార్యక్రమాన్ని ప్రారంభించారు.

మంత్రులు, ఎమ్మెల్యేలు, ఇతర ప్రజాప్రతినిధులు ఈ కార్యక్రమంలో పాల్గొని విద్యార్థులకు అల్పాహారాన్ని అందించారు. సీఎం బ్రేక్‌ఫాస్ట్‌ వల్ల రాష్ట్రంలోని 27,147 పాఠశాలల్లో 1 నుంచి 10 తరగతి చదువుతున్న 23 లక్షల మంది విద్యార్థులకు లబ్ధి చేకూరనున్నది. ఇది విద్యావ్యవస్థలో సమూల మార్పుతెస్తుందని నిపుణులు చెబుతున్నారు.