పత్తి రైతుపై విత్తన భారం
పత్తి రైతులపై కేంద్ర ప్రభుత్వం మరోసారి విత్తన భారం మోపింది. 2023-24 సీజన్కు పత్తి విత్తన ప్యాకెట్ల ధర పెంచుతూ నిర్ణయం తీసుకున్నది. ఒక్కో ప్యాకెట్పై రూ.43 చొప్పున ధర పెంచింది. దీంతో నిరుడు ప్యాకెట్ ధర రూ. 810 ఉండగా, ప్రస్తుతం రూ.853కు పెంచింది.
- ధర పెంచిన కేంద్ర ప్రభుత్వం
- ఈసారి ఒక్కో ప్యాకెట్పై 43 పెంపు
- రాష్ట్ర రైతన్నపై రూ.60 కోట్ల భారం
- మూడేండ్లుగా ధరల పెంపు
- మద్దతు ధర కల్పనలో మాత్రం విఫలం
హైదరాబాద్, ఏప్రిల్ 4 (నమస్తే తెలంగాణ): పత్తి రైతులపై కేంద్ర ప్రభుత్వం మరోసారి విత్తన భారం మోపింది. 2023-24 సీజన్కు పత్తి విత్తన ప్యాకెట్ల ధర పెంచుతూ నిర్ణయం తీసుకున్నది. ఒక్కో ప్యాకెట్పై రూ.43 చొప్పున ధర పెంచింది. దీంతో నిరుడు ప్యాకెట్ ధర రూ. 810 ఉండగా, ప్రస్తుతం రూ.853కు పెంచింది. తాజాగా కేంద్ర వ్యవసాయ శాఖ గెజిట్ విడుదల చేసింది. కేంద్ర ప్రభుత్వం మూడేండ్ల నుంచి పత్తి విత్తనాల ధరను పెంచుతుండటం గమనార్హం. విత్తనాల ధర పెంపును తెలంగాణ ప్రభుత్వం వ్యతిరేకించింది. ధరలు పెంచి రైతులపై భారం వేయొద్దని కోరింది. అయినా కేంద్రం రైతుల బాధలను, రాష్ట్ర ప్రభుత్వ విజ్ఞప్తులను ఏ మాత్రం పట్టించుకోకుండా ధరలు పెంచుతూ నిర్ణయం తీసుకున్నది.
రూ.60 కోట్ల అదనపు భారం
2020-21లో రూ.730గా ఉన్న ప్యాకెట్ ధర ఇప్పుడు రూ.853కు చేరింది. అంటే మూడేండ్లలో రూ.123 పెరిగింది. ఈ ఏడాది పత్తి విత్తనాల ధర పెంపుతో రాష్ట్ర రైతులపై సుమారు రూ.60 కోట్ల అదనపు భారం పడనున్నదని అధికారులు అంచనా వేస్తున్నారు. రాష్ట్రంలో నిరుడు 50 లక్షల ఎకరాల్లో పత్తి సాగైంది. ఈ ఏడాది ఇది సుమారు 70 లక్షల ఎకరాలకు చేరుతుందని అధికారులు అంచనా వేస్తున్నారు. ఒక్కో ఎకరానికి రెండు ప్యాకెట్ల విత్తనాలు అవసరం అవుతాయి. ఈ లెక్కన 70 లక్షల ఎకరాలకు 1.40 కోట్ల విత్తన ప్యాకెట్లు అవసరం అవుతాయి. ఒక్కో ప్యాకెట్పై రూ.43 ధర పెంచడంతో మొత్తం ప్యాకెట్లకు రూ.60 కోట్ల అదనపు భారం పడనున్నది.
మద్దతు ధర కల్పించడంలో కేంద్రం విఫలం
ఎరువులు, విత్తనాల ధరలను విచ్చలవిడిగా పెంచుతున్న కేంద్ర ప్రభుత్వం.. అదే సమయంలో రైతులకు మద్దతు ధర కల్పిండచంలో మాత్రం విఫలమవుతున్నది. గత సీజన్లో పత్తి క్వింటాల్ ధర రూ.12 వేల నుంచి రూ.7 వేల కు పడిపోయింది. ఇది మద్దతు ధర కన్నా ఎక్కువగానే ఉన్నప్పటికీ రైతుకు పెట్టుబడి ఖర్చు కూడా రావడం లేదు. ఈ నేపథ్యంలో పత్తి క్విం టాల్కు రూ.10 వేల ధర నిర్ణయించాలని దేశవ్యాప్తంగా రైతులు నిరసన చేపట్టడంతోపాటు డిమాండ్ చేసినా పట్టించుకోవడంలేదు.
- ఒక్కో ప్యాకెట్పై పెంచిన ధర రూ.43
- అవసరమైన విత్తన ప్యాకెట్లు 1.40 కోట్లు
- రైతులపై అదనపు భారం రూ.60 కోట్లు
Read Today's Latest Telangana News in Telugu and Telugu News
RELATED ARTICLES
తాజా వార్తలు
Aakasamlo Oka Tara | ‘ఆకాశంలో ఒక తార’ మూవీ రివ్యూ.. దుల్కర్ సల్మాన్ కొత్త మూవీ ఎలా ఉందంటే!
మండల టాపర్ గా నిలిచిన విద్యార్థినికి నగదు పురస్కారం
Brutal murder | వెంపటి గ్రామంలో యువకుడి దారుణ హత్య
Mayookha | ఓటీటీలోకి వచ్చేసిన సైకలాజికల్ థ్రిల్లర్ ‘మయూఖ’.. స్ట్రీమింగ్ ఎక్కడంటే!
Yadagirigutta | యాదగిరిగుట్టలో వైభవంగా ప్రారంభమైన సహస్రనామావళి సహిత కోటి పుష్పార్చన
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

