CDS | సెంటర్‌ ఫర్‌ దళిత్‌ స్టడీస్‌కు కాంగ్రెస్‌ తాళం!.. కేసీఆర్‌కు పేరొస్తుందనే కుట్ర

కేసీఆర్‌ పంచిన అభివృద్ధి, సంక్షేమ ఫలాలు ప్రజలకు దక్కకుండా, కేసీఆర్‌కు పేరు రాకుండా ఉండాలనే కాంగ్రెస్‌ సర్కార్‌ కుట్రకు మరో కేంద్రం దర్పణంగా నిలిచింది. కేసీఆర్‌ హయాంలో నిర్మించిన సీడీఎస్‌ (సెంటర్‌ ఫర్‌ దళిత్‌ స్టడీస్‌) నూతన భవనాన్ని 16 నెలలైనా ప్రారంభించకుండా కాంగ్రెస్‌ ప్రభు త్వం నిర్లక్ష్యం వహిస్తున్నది.

• బీఆర్‌ఎస్‌ హయాంలోనే సెంటర్‌ ఫర్‌ దళిత్‌ స్టడీస్‌ భవనం పూర్తి
• ప్రారంభించకుండా సర్కార్‌ నిర్లక్ష్యం
• 25 కోట్లతో దళిత్‌ స్టడీసెంటర్‌ నిర్మాణం
• 67 వేల చ.అ., 6 అంతస్థుల్లో భవనం
• ముందు 27ఫీట్ల అంబేద్కర్‌ విగ్రహం
• ఢిల్లీ విజ్ఞాన్‌భవన్‌లాగా ఆడిటోరియం
• దళితుల స్టడీ, రీసెర్చ్‌కు దోహదం

CDS | హైదరాబాద్‌, ఏప్రిల్‌13 (నమస్తే తెలంగాణ): కేసీఆర్‌ పంచిన అభివృద్ధి, సంక్షేమ ఫలాలు ప్రజలకు దక్కకుండా, కేసీఆర్‌కు పేరు రాకుండా ఉండాలనే కాంగ్రెస్‌ సర్కార్‌ కుట్రకు మరో కేంద్రం దర్పణంగా నిలిచింది. కేసీఆర్‌ హయాంలో నిర్మించిన సీడీఎస్‌ (సెంటర్‌ ఫర్‌ దళిత్‌ స్టడీస్‌) నూతన భవనాన్ని 16 నెలలైనా ప్రారంభించకుండా కాంగ్రెస్‌ ప్రభు త్వం నిర్లక్ష్యం వహిస్తున్నది. దళితుల అభ్యున్నతికి బహుముఖ కృషిచేస్తున్న సీడీఎస్‌ (సెంటర్‌ ఫర్‌ దళిత్‌ స్టడీస్‌) మరింత మెరుగైన పరిశోధనలకు వీలుగా, దళితుల సమగ్ర అభివృద్ధికి ఒక దిక్సూచిలా నిలిచేలా శాశ్వత భవనాన్ని నిర్మించాలని తెలంగాణ తొలి ముఖ్యమంత్రి కేసీఆర్‌ నాడే సంకల్పించారు. అంబేద్కర్‌ 125వ జయంతిని పురస్కరించుకొని హైదరాబాద్‌లోని బోరబండ మోతీనగర్‌లో సీడీఎస్‌ భవన నిర్మాణానికి 2016లోనే సీఎంగా కేసీఆర్‌ శ్రీకారం చుట్టారు. 1,499 చదరపు గజాల భూమిని, రూ.25 కోట్లను ఆ భవన నిర్మాణానికి కేసీఆర్‌ కేటాయించారు.

ప్రవేశ ద్వారం వద్ద 27 అడుగుల ఎత్తయిన అంబేద్కర్‌ విగ్రహం ఏర్పాటుచేశారు. పారింగ్‌ కోసం 2 సెల్లార్లు, స్టిల్‌ ఫ్లోర్‌ పారింగ్‌/మల్టిపర్పస్‌ ఓపెన్‌ ఏరియాను కేటాయించారు. 2023 జనవరి నాటికే ఆరు అంతస్థుల్లో భవన నిర్మాణ పనులన్నీ పూర్తయ్యాయి. ఇప్పటికి 16 నెలలు గడిచినా భవన ప్రారంభంపై కాంగ్రెస్‌ సర్కార్‌ దృష్టి సారించడమే లేదు. తెలంగాణతోపాటు దేశమంతటా దళితుల సాధికారత కోసం అంకితభావంతో, రాజీలేకుండా సీడీఎస్‌ సంస్థ చేస్తున్న కృషికి గుర్తింపుగా దీనిని నిర్మించారు. దళితులపై అధ్యయనానికి అత్యంత భారీ మౌలిక సదుపాయాలు కలిగిన భవనం దేశంలో ఇదే మొదటిది కావడం తెలంగాణకు గర్వకారణం. దళిత వర్గాలకు సమాన హకులు కల్పించి, వారి నైపుణ్యాలు, సామర్థ్యాలను పెంపొందించడం ద్వారా ‘సమిష్టి సమాజాన్ని’ నిర్మించాలనే లక్ష్యంతో 1999లో లాభాపేక్షలేని సంస్థగా సెంటర్‌ ఫర్‌ దళిత్‌ స్టడీస్‌ (సీడీఎస్‌) ఏర్పడింది.

సామాజిక, ఆర్థిక అడ్డంకులను అధిగమిస్తూ సీడీఎస్‌ గత 23 ఏండ్లుగా సెమినార్లు, వర్‌షాప్‌లు, సమావేశాలు, డాక్యుమెంటరీ చిత్రాలు, మీడియా సెన్సిటైజేషన్‌, శిక్షణ, కెపాసిటీ బిల్డింగ్‌, అడ్వకేసీ, లాబీయింగ్‌తో సహా పలు వ్యూహాల ద్వారా దళితవర్గాల సామాజిక, ఆర్థిక, రాజకీయ సాధికారత కోసం ప్రయత్నిస్తున్నది. సీడీఎస్‌ తన ప్రయాణంలో అనేక విజయాలు సాధించింది. అందులో ముఖ్యమైనది, ఎంతో చారిత్రత్మకమైనది ఎస్సీ, ఎస్టీ సబ్‌ప్లాన్‌ చట్టం-2013. ఈ చట్టం కోసం 13 ఏండ్ల సుదీర్ఘ పోరాటానికి సీడీఎస్‌ నాయకత్వం వహించింది. అందులో టీఆర్‌ఎస్‌, నాటి ఉద్యమ నాయకుడు, తెలంగాణ తొలి ముఖ్యమంత్రి కేసీఆర్‌ ఆ చట్టంలో కీలక పాత్ర పోషించడం విశేషం. తెలంగాణ ఏర్పా టు తర్వాత ఆ చట్టాన్ని మెరుగైన అమలు కో సం 2017లో ‘షెడ్యూల్డ్‌ కులాలు, షెడ్యూల్డ్‌ తెగల ప్రత్యేక అభివృద్ధి నిధి చట్టంగా కేసీఆర్‌ నాడు మార్చారు. కొత్త చట్టం, నియమాలను అమలు చేయడంలో సీడీఎస్‌ను ఒక భాగం చేయడం మరో విశేషం.

కాంగ్రెస్‌ సర్కారు తీవ్ర జాప్యం
ఆరు అంతస్తుల్లో చేపట్టిన సీడీఎస్‌ భవన నిర్మాణం కేసీఆర్‌ నేతృత్వంలోని బీఆర్‌ఎస్‌ ప్రభుత్వ హయాంలోనే పూర్తయింది. నామమాత్రపు పనులు మాత్రమే అప్పటికి పెండింగ్‌లో ఉన్నాయి. భవనం ప్రారంభానికి సిద్ధంగా ఉన్నదని దళిత్‌ స్టడీ సెంటర్‌ అధికారులు వెల్లడించారు. స్టడీ సెంటర్‌ అభివృద్ధికి, నిర్వహణకు కొద్దిమొత్తంలో నిధులను కేటాయిస్తే సరిపోతుంది. భవనం అందుబాటులోకి వస్తే దళితుల సామాజిక జీవనానికి సంబంధించిన అంశాలపై పరిశోధనలు, అధ్యయనాలకు, దళితులకు శిక్షణ కేంద్రంగా కూడా దోహదపడనున్నది. కానీ కాంగ్రెస్‌ అధికారంలోకి వచ్చి 16 నెలలు గడిచినా ఇప్పటికీ ఈ భవనం ప్రారంభోత్సవంపై దృష్టి సారంచనేలేదు.

సీడీఎస్‌ కార్యకలాపాలు

• సీడీఎస్‌ పరిశోధన కోసం ఒక ప్రముఖ బృందాన్ని కలిగి ఉన్నది. ఇది ప్రభుత్వ పథకాలు, లబ్ధిదారులు, తెలంగాణ, దేశమంతటా దళితుల ప్రస్తుత స్థితి, ఎస్సీ, ఎస్టీలకు బడ్జెట్‌ కేటాయింపులు, అట్రాసిటీలు, ఏవైనా ఇతర పరిస్థితులను ఎప్పటికప్పుడు పర్యవేక్షిస్తుంది.
• సీడీఎస్‌ డిజిటల్‌ క్లాస్‌ రూమ్‌లతో పోటీ పరీక్షలకు (యూపీఎస్సీ, స్టేట్‌ పబ్లిక్‌ సర్వీస్‌ కమిషన్‌, బ్యాంక్‌ ఉద్యోగాలు మొదలైనవి) సిద్ధమవుతున్న ఎస్సీ, ఎస్టీ విద్యార్థులకు శిక్షణను అందిస్తుంది. సంబంధిత ప్రొఫెషనల్‌ కోర్సులో పట్టభద్రులైన విద్యార్థులకు ఐటీ రంగంలో ఉపాధి అవకాశాలతో కూడిన నూతన సాంకేతికతపై శిక్షణ ఇచ్చేలా సెంటర్‌లో తరగతి గదులు, లెక్చర్‌ హాళ్లు, ట్యూటర్‌ గదులను సిద్ధం చేశారు.
• నిరుద్యోగ దళిత యువతకు (డ్రాప్‌ అవుట్స్‌/హోమ్‌ మేకర్స్‌) వివిధ జీవనోపాధి నైపుణ్యాలలో వారి స్వయంఉపాధి సామర్థ్యాలను బలోపేతం చేయడానికి టైలరింగ్‌, బ్యూటీషియన్‌, ప్లంబింగ్‌, ఎలక్ట్రీషియన్‌, కార్పెంటరీ, డ్రైవింగ్‌ తదితర రంగాల్లో ఉచిత శిక్షణ ఇచ్చి, ఉద్యోగ అవకాశాలకు ప్రణాళికలు సిద్ధం చేశారు.

ఆరు అంతస్థుల్లో సీడీఎస్‌ భవనం

• వ అంతస్థు: కెఫే టేరియా, వెయిటింగ్‌ లాంజ్‌, మల్టిపర్పస్‌ మీటింగ్‌ హాలు
• 2వ అంతస్థు: ఉద్యోగుల కోసం వర్‌స్టేషన్‌, డైరెక్టర్‌, వైస్‌ చైర్‌పర్సన్‌ చాంబర్లు. 2 డిజిటల్‌ క్లాస్‌రూమ్‌లు, బోర్డ్‌రూమ్‌, రౌండ్‌టేబుల్‌ రూమ్‌, మెడిటేషన్‌ హాలు
• 3వ అంతస్థు: సీడీఎస్‌ లైబ్రరీలో ఎస్సీ, ఎస్టీ విద్యార్థుల బోధన, అభ్యాసం, పరిశోధన కార్యక్రమాలకు మద్దతు ఇచ్చేందుకు, సులభతరం చేయడానికి నూతన వెర్షన్‌ పుస్తకాలు, డాక్టర్‌ బీఆర్‌ అంబేదర్‌ భావజాల పుస్తకాలు, బౌద్ధ సంబంధిత పుస్తకాలు, పరిశోధనా ప్రచురణకు సంబంధించిన పుస్తకాలు అందుబాటులో ఉంటాయి. ప్రింట్‌ సేకరణలో పుస్తకాలు, మోనోగ్రాఫ్‌లు, పరిశోధనా నివేదికలు, చట్ట నివేదికలు, పీ రియాడికల్‌ బ్యాక్‌ వాల్యూమ్‌లు మొదలైనవి అందుబాటులో ఉండనున్నా యి. డిజిటల్‌ లైబ్రరీ అనేది దళితులు, పోటీ పరీక్షలు, బౌద్ధ సంసృతికి సంబంధించిన పుస్తకాల డిజిటల్‌ కాపీలను నిర్వహించడం మరో అదనపు సౌకర్యం. మొత్తంగా లైబ్రరీ, డిజిటల్‌ లైబ్రరీని 1 లక్ష వాల్యూమ్‌లతో ఏర్పాటు చేయనున్నారు.
• 4వ అంతస్థు: లెక్చర్‌ హాల్స్‌లో 120 మంది విద్యార్థులు, డిజిటల్‌ తరగతి గదులు 60 మంది విద్యార్థులకు వసతి సౌకర్యాలు కల్పించారు. 100 పడకల సామర్థ్యంతో 14 షేరింగ్‌ రూమ్‌లు రెసిడెన్షియల్‌ విద్యార్థుల కోసం నిర్మించారు. విజిటింగ్‌ లెక్చరర్లకు, సందర్శకుల కోసం 2 వీఐపీ సూట్‌ రూమ్‌లు.
• 5వ అంతస్థు: 300 మంది ప్రేక్షకుల సామర్థ్యం కలిగిన ఆడిటోరియం. ఇది ఢిల్లీలోని విజ్ఞాన్‌భవన్‌లోని ఆడిటోరియం తరహాలో సంస్థాగత కార్యక్రమాల కోసం 300 సీట్ల కంటే ఎకువ సామర్థ్యం కలిగిన ఎయిర్‌ కండిషన్డ్‌ ఆడిటోరియాన్ని నిర్మించారు. భాగస్వామి సంస్థలు కనీస నిర్వహణ చార్జీలతో ఆడిటోరియాన్ని వినియోగించుకోవచ్చు. దళిత సంస్థలు, భాగస్వామ్య సంస్థలు నిర్వహించే కార్యక్రమాలకు, ఆడిటోరియం మంచి వేదికగా నిలువనుందనడంలో సందేహం లేదు.
• 6వ అంతస్థు: పురాతన దళితుల చరిత్ర, వారసత్వం, సంసతిని ప్రదర్శించే మొట్టమొదటి దళిత మ్యూజియం ఏర్పాటుచేశారు.