Meters Scam | మీటర్ల స్కీమ్‌లోకి తెలంగాణ.. ‘ఆర్‌డీఎస్‌ఎస్‌’లో చేరేందుకు క్యాబినెట్‌ ఆమోదం

Meters Scam | వ్యవసాయ మోటర్లకు మీటర్లు పెట్టే స్కీమ్‌లో చేరేందుకు మంత్రివర్గం అంగీకరించింది. తెలంగాణ డిస్కమ్‌ల ప్రతిపాదన మేరకు వ్యవసాయ విద్యుత్తు వినియోగానికి సంబంధించి మీటర్లు బిగించేందుకు కేంద్ర ప్రభుత్వం అమలు చేస్తున్న ‘రీవ్యాంప్‌డ్‌ డిస్ట్రిబ్యూషన్‌ సెక్టార్‌ స్కీమ్‌(ఆర్‌డీఎస్‌ఎస్‌)’లో చేరేందుకు నిర్ణయం తీసుకున్నది.

Meters Scam | హైదరాబాద్‌, మే 23 (నమస్తే తెలంగాణ): వ్యవసాయ మోటర్లకు మీటర్లు పెట్టే స్కీమ్‌లో చేరేందుకు మంత్రివర్గం అంగీకరించింది. తెలంగాణ డిస్కమ్‌ల ప్రతిపాదన మేరకు వ్యవసాయ విద్యుత్తు వినియోగానికి సంబంధించి మీటర్లు బిగించేందుకు కేంద్ర ప్రభుత్వం అమలు చేస్తున్న ‘రీవ్యాంప్‌డ్‌ డిస్ట్రిబ్యూషన్‌ సెక్టార్‌ స్కీమ్‌(ఆర్‌డీఎస్‌ఎస్‌)’లో చేరేందుకు నిర్ణయం తీసుకున్నది. ఈ మేరకు శనివారం జరిగిన రాష్ట్ర క్యాబినెట్‌లో ఆమోదం తెలిపింది. ఈ సందర్భంగా కేబినెట్‌ నిర్ణయాలను మంత్రి పొంగులేటి శ్రీనివాస్‌రెడ్డి వెల్లడించారు. విద్యుత్తు పంపిణీ, మౌలిక సదుపాయాల అభివృద్ధికి కేంద్ర ప్రభుత్వం అమలుచేస్తున్న ఆర్‌డీఎస్‌ఎస్‌లో చేరేందుకు తెలంగాణ డిసమ్‌లు చేసిన ప్రతిపాదనలకు మంత్రివర్గం ఆమోదం తెలిపిందని తెలిపారు. ఈ స్కీమ్‌లో భాగంగానే అయితే మోటర్లకా లేదా ఫీడర్లకా ఇలా ఎక్కడో ఒకచోట మీటర్లు పెట్టాల్సి వస్తుందనే అభిప్రాయాలున్నాయి. వాస్తవానికి ఆర్‌డీఎస్‌ఎస్‌ అనేదే మీటర్లు పెట్టేందుకు ఉద్దేశించింది. ఇందుకు రూ.1,300కోట్లు ఖర్చవుతుందని అంచనా వేసింది. ఈ పరిస్థితుల నేపథ్యంలోనే గతంలో బీఆర్‌ఎస్‌ సర్కార్‌ రైతులకు నష్టం చేయొద్దనే ఆలోచనతో ఈ స్కీమ్‌లో చేరలేదు. ఇందుకో సం కేంద్రం ఆఫర్‌ చేసిన అదనపు రుణ సౌకర్యాన్ని సైతం నాటి ప్రభుత్వం వదులుకున్నది.

క్యాబినెట్‌ నిర్ణయాలివీ..

• నియోజకవర్గానికి 2వేల చొప్పున మొత్తం 2.5 లక్షల ఇండ్ల నిర్మాణానికి గ్రీన్‌ సిగ్నల్‌ ఇచ్చింది. పునాదులు పూర్తయి గోడలు, స్లాబ్‌ పడని ఇండ్లకు రూ.3 లక్షలు, గోడలు పూర్తయి స్లాబుతో నిలిచిపోయిన వాటికి రూ.2 లక్షల చొప్పున అందించనున్నది.
• కుమ్రం భీం ఆసిఫాబాద్‌ జిల్లా కెరమెరి మండలం కొఠారిలో ఆదివాసీలకు కట్టించిన 28 ఇందిరమ్మ ఇండ్లను జూన్‌ 1న ప్రారంభించాలని నిర్ణయించారు.
• హైదరాబాద్‌ మహానగరం క్యూర్‌ పరిధిలోని 24 నియోజకవర్గాల్లో అల్పాదాయ వర్గాల వారి కోసం లక్ష ఇండ్లు నిర్మించి ఇవ్వాలని రాష్ట్ర క్యాబినెట్‌ నిర్ణయించింది.
• రాష్ట్రంలో వివిధ దఫాలుగా చేసిన సర్వేల ప్రకారం 15వేల కుటుంబాలు గుడిసెల్లో నివాసం ఉంటున్న కుటుంబాలకు ఇండ్ల పత్రాలు అందించాలని తీర్మానించింది.
• వచ్చే ఏడాది జూన్‌ 26 నుంచి జులై 7వర కు జరుగనున్న గోదావరి పుషరాల కోసం రూ.1,000 కోట్లు క్యాబినెట్‌ ఆమోదం తెలిపింది. ఇందులో తొలి విడత రూ.300 కోట్లు మంజూరుకు ఆమోదం తెలిపింది.
• రాష్ట్రంలోని అన్ని ప్రభుత్వ జూనియర్‌ కళాశాలల్లో మధ్యాహ్న భోజనం పథకం, అల్పాహారం అమలు చేసేందుకు మంత్రివర్గం ఆమోదం తెలిపింది.
• రాష్ట్రంలోని డీసీఎంఎస్‌లను మార్‌ఫెడ్‌లో విలీనం చేయాలని, టీజీఆర్‌ఐసీని(తెలంగాణ రూరల్‌ ఇన్‌ ఫ్రాస్ట్రక్చర్‌ కార్పొరేషన్‌)ను హాకాలో విలినం చేయాలని క్యాబినెట్‌ నిర్ణయించింది.
• పాలమూరు-రంగారెడ్డి ఎత్తిపోతల పథకం భూసేకరణ, పునరావాసం, మౌలిక వసతుల సదుపాయాల కల్పనకు రూ.587 కోట్లు కేటాయిస్తూ రాష్ట్ర మంత్రివర్గం ఆమోదం తెలిపింది.
• నెక్స్ట్‌ జనరేషన్‌ లైఫ్‌ సైన్సెస్‌ పాలసీ 2026-30ని రాష్ట్ర మంత్రివర్గం ఆమోదించింది.