KTR | అక్షరం మార్పు కోసం అక్షరాల 1000 కోట్ల ఖర్చా..? రేవంత్ స‌ర్కార్‌పై కేటీఆర్ ధ్వ‌జం

KTR | రాష్ట్రంలో అధికారంలో ఉన్న కాంగ్రెస్ ప్ర‌భుత్వంపై బీఆర్ఎస్ వ‌ర్కింగ్ ప్రెసిడెంట్ కేటీఆర్ మ‌రోసారి నిప్పులు చెరిగారు. రేవంత్ రెడ్డి స‌ర్కార్ చేస్తున్న వృథా ఖ‌ర్చుల‌పై కేటీఆర్ ధ్వ‌జ‌మెత్తారు.

January 4, 2025 / 10:18 AM IST

KTR | అక్షరం మార్పు కోసం అక్షరాల 1000 కోట్ల ఖర్చా..? రేవంత్ స‌ర్కార్‌పై కేటీఆర్ ధ్వ‌జం

KTR | హైద‌రాబాద్ : రాష్ట్రంలో అధికారంలో ఉన్న కాంగ్రెస్ ప్ర‌భుత్వంపై బీఆర్ఎస్ వ‌ర్కింగ్ ప్రెసిడెంట్ కేటీఆర్ మ‌రోసారి నిప్పులు చెరిగారు. రేవంత్ రెడ్డి స‌ర్కార్ చేస్తున్న వృథా ఖ‌ర్చుల‌పై కేటీఆర్ ధ్వ‌జ‌మెత్తారు. ఎన్నిక‌ల్లో ఇచ్చిన హామీల‌ను నెర‌వేర్చ‌కుండా, కేసీఆర్ ఆన‌వాళ్ల‌ను చెరిపేయాల‌నే ల‌క్ష్యంతో పేర్ల‌ను మార్చుతూ.. ప్ర‌జా ధ‌నాన్ని దుర్వినియోగం చేస్తున్న రేవంత్ రెడ్డిపై కేటీఆర్ తీవ్ర ఆగ్ర‌హం వ్య‌క్తం చేశారు.

2014లో నాటి టీఆర్ఎస్ ప్ర‌భుత్వం.. తెలంగాణ రాష్ట్ర పేరును టీఎస్‌(తెలంగాణ స్టేట్‌)గా మార్చిన విష‌యం తెలిసిందే. 2023లో అధికారంలోకి వ‌చ్చిన కాంగ్రెస్ పార్టీ.. టీఎస్‌ను టీజీగా మార్చేసింది. అయితే ఒక్క అక్ష‌రం మార్పు కోసం అక్ష‌రాల రూ. 1000 కోట్ల ఖ‌ర్చా..? అంటూ రేవంత్ రెడ్డి స‌ర్కార్‌పై కేటీఆర్ ధ్వ‌జ‌మెత్తారు.

రైతు భరోసా ఇచ్చింది లేదు.. రుణమాఫీ సక్కగా చేసింది లేదు.. పెన్షన్ పెంచింది లేదు.. ఆరు గ్యారెంటీల అమలుకు దిక్కులేదు.. కానీ.. ఆగమేఘాల మీద అనవసరమైన వాటి కోసం వేల కోట్ల ఖర్చు పెట్టేందుకు మనసొచ్చిందా? అని కాంగ్రెస్ ప్ర‌భుత్వాన్ని కేటీఆర్ నిల‌దీశారు.

నవ్విపోదురు గాక నాకేటి సిగ్గు అన్నట్లు.. ఒక్క అక్షరం మార్పు కోసం అక్షరాల 1000 కోట్ల ఖర్చా? వెయ్యి కోట్లు కాదు లక్ష కోట్లు ఖర్చుపెట్టినా.. తెలంగాణ అస్థిత్వాన్ని చెరపలేవు.. నాలుగు కోట్ల గుండెలపై కేసీఆర్ చేసిన సంతకాన్ని మార్చలేవు.. అని రేవంత్ రెడ్డికి కేటీఆర్ తేల్చిచెప్పారు.

Hello @RahulGandhi ji,

Rs 1000 crore- the cost of one inflated ego!

Rs 1000 crore- the cost of One Letter

50,000 farmers could have had 2 lakh rupees wavier!

40 lakh women could have received the promised Rs 2,500

25 lakh old people could have received the promised Rs… pic.twitter.com/K4AT3OcBDW

— KTR (@KTRBRS) January 4, 2025