BRS | వాడవాడలా ఎగిరిన గులాబీ జెండా.. రాష్ట్ర వ్యాప్తంగా బీఆర్‌ఎస్‌ ఆవిర్భావ దినోత్సవ వేడుకలు

BRS | తెలంగాణ వ్యాప్తంగా బీఆర్‌ఎస్(BRS) జెండా పండుగ వాడవాడలా పండుగలా కొనసాగింది.

హైదరాబాద్‌ : తెలంగాణ వ్యాప్తంగా బీఆర్‌ఎస్(BRS) జెండా పండుగ వాడవాడలా పండుగలా కొనసాగింది. తెలంగాణ రాష్ట్రమే లక్ష్యంగా ఉద్యమ సంస్థగా ఆవిర్భవించిన బీఆర్ఎస్ పార్టీ లక్ష్యాన్ని సాధించి, రాష్ట్రం పురోగతి సాధించిన గులాబీ జెండా 25 వసంతాలు పూర్తిచేసుకుని 26 వసంతంలోకి అడుపెట్టింది. తెలంగాణ ప్రజల గుండెల్లో చెరగని ముద్ర వేసుకుంది. భారత రాష్ట్ర సమితి ఆవిర్భావ దినోత్సవ వేడుకలు రాష్ట్రవ్యాప్తంగా పల్లెలు, పట్నాలు, ఆయా ప్రాంతాల పార్టీల కార్యాలయాల్లో ఘనంగా జరిగాయి. పార్టీ శ్రేణులు గులాబీ జెండాలు ఎగరవేసి పటాకులు కాల్చి, స్వీట్లు పంచి పెట్టి సంబురాలు జరుపుకున్నారు. జైతెలంగాణ, జై కేసీఆర్‌ నినాదాలతో హోరెత్తించారు.