కలెక్టర్‌పై చర్యలు తీసుకోవాలి.. రాజన్న సిరిసిల్ల ఎస్పీకి ఫిర్యాదు

ప్రజాపాలన వేడుకలో ప్రొటోకాల్‌ పాటించని రాజన్న సిరిసిల్ల కలెక్టర్‌ సందీప్‌కుమార్‌ ఝాపై చట్టరీత్యా చర్యలు తీసుకోవాలని బీసీ సంక్షేమ, కుల సంఘాలు, దళిత సంఘాల నాయకులు గు రువారం ఎస్పీకి ఫిర్యాదు చేశారు.

సిరిసిల్ల టౌన్‌, సెప్టెంబర్‌ 18: ప్రజాపాలన వేడుకలో ప్రొటోకాల్‌ పాటించని రాజన్న సిరిసిల్ల కలెక్టర్‌ సందీప్‌కుమార్‌ ఝాపై చట్టరీత్యా చర్యలు తీసుకోవాలని బీసీ సంక్షేమ, కుల సంఘాలు, దళిత సంఘాల నాయకులు గురువారం ఎస్పీకి ఫిర్యాదు చేశారు. ఈ సందర్భంగా బీసీ సంక్షేమ సంఘం రాష్ట్ర అధికార ప్రతినిధి పర్శ హన్మాండ్లు మాట్లాడారు.

సిరిసిల్ల పోలీస్‌ పరేడ్‌ గ్రౌండ్‌లో జరిగిన ప్రజాపాలన కార్యక్రమానికి హాజరైన ప్రభుత్వ విప్‌ ఆ ది శ్రీనివాస్‌ జాతీయ పతాకాన్ని ఆవిష్కరిం చి, జాతీయ గీతాలాపన చేస్తున్న క్రమంలో కలెక్టర్‌ కారు సైరన్‌తో వచ్చి అగౌరవపరిచారని ఆరోపించారు. కలెక్టర్‌ క్షమాపణ చెప్పాలని డిమాండ్‌ చేశారు.