Visit:
హైదరాబాద్‌, ఆగస్టు 4 (నమస్తే తెలంగాణ): కాపుల అభ్యున్నతికి విశేషంగా కృషి చేస్తున్న సీఎం కేసీఆర్‌కు ఆ వర్గాలు మద్దతుగా నిలుస్తాయని ఏపీ బీఆర్‌ఎస్‌ రాష్ట్ర అధ్యక్షుడు తోట చం ద్రశేఖర్‌ వెల్లడించారు. హైదరాబాద్‌లో సౌతిండియా సెంటర్‌ ఫర్‌ కాపు కమ్యూనిటీ భవన నిర్మాణానికి అవసరమైన భూమిని సీఎం కేసీఆర్‌ కేటాయించడంపై కాపులు హర్షం వ్యక్తం చేశారు.
ఈ మేరకు శుక్రవారం కాపు సంఘాల సంక్షేమ సేవా సమితి అధ్యక్షుడు మిరియాల రాఘవరావు ఆధ్వర్యంలో జంటనగరాల్లోని వివిధ కాపు సం ఘా ల నేతలు స్థల కేటాయింపునకు చొరవ చూ పిన తోట చంద్రశేఖర్‌ను అభినందించారు. ఈ సందర్భంగా చంద్రశేఖర్‌ మాట్లాడుతూ.. తెలుగు రాష్ర్టాల్లో అత్యధికంగా ఉన్న కాపు, తెలగ, బలిజ, ఒంటరి, తూర్పు కాపులు అన్నిరంగాల్లో వెనుకబాటుకు గురయ్యారని ఆవేదన వ్యక్తం చేశారు. టీడీపీ, కాంగ్రెస్‌, వైసీపీలు తమ ఓటు బ్యాంకుగా వాడుకొంటున్నారని విమర్శించారు.
