Rain | హైదరాబాద్ జంట నగరాల పరిధిలో ఈదురుగాలులతో వర్షం దంచికొడుతున్నది. మరో వైపు రాబోయే రెండు గంటలు వర్షం కొనసాగే అవకాశం ఉందని, ప్రజలెవరూ ఇండ్లను నుంచి బయటకురావొద్దని సూచించారు. మంగళవారం రాత్రి పలుచోట్ల ఈదురుగాలులతో భారీ వర్షం కురుస్తున్నది. సాయంత్రం 7 గంటలు దాటిన తర్వాత ఉన్నట్టుండి ఒక్కసారిగా ఈదురుగాలులు మొదలయ్యాయి. చిన్న చిన్నగా మొదలై.. కుండపోతగా కురిసింది. ఒక్కసారిగా కురిసిన వానతో వాహనదారులు, జనం తీవ్ర ఇబ్బందులకు గురయ్యారు. గచ్చిబౌలి, కొండాపూర్, రాయదుర్గం, కూకట్పల్లి, మూసాపేట, ప్రగతినగర్, బాచుపల్లి, కేపీహెచ్బీ, జేఎన్టీయూలో భారీ వర్షం కురిసింది.
@Hyderabadrains raining heavily🌧️🌧️ 🔥 at #gajularamaram pic.twitter.com/0IKbTVHycG
— Gannoj Sai Chandan (@saichandanganoj) April 25, 2023
చందానగర్, మియాపూర్, బాలానగర్, సూరారం, ఎస్సార్నగర్, అమీర్పేట, శేరిలింగంపల్లి, పటాన్చెరు, అమీన్పూర్, బంజారాహిల్స్, జూబ్లీహిల్స్, ఫిల్మ్నగర్, అల్వాల్, నేరేడ్మెట్, మల్కాజ్గిరి, మల్కాజ్గిరి, అమీర్పేట, పంజాగుట్ట, ఈసీఐఎల్, ఏఎస్రావు నగర్, కాప్రాతో పాటు పలు చోట్ల కుండపోత వర్షం కురిసింది. బహదూర్పుర, ఫలక్నుమా, చాంద్రాయణగుట్ట బార్కస్, పురాణాపూర్, ముషీరాబాద్, ఆర్టీసీ క్రాస్రోడ్, చిక్కడపల్లి, రాంనగర్, అడిక్మెట్, దోమలగూడ, కవాడిగూడ, గాంధీనగర్, హయత్నగర్, పెద్దఅంబర్పేట, వనస్థలీపురం, అంబర్పేట, గోల్నాక, కాచిగూడ, నల్లకుంట, విద్యానగర్తో పాటు తదితర ప్రాంతాల్లో ఈదురుగాలులతో భారీ వర్షం కురుస్తున్నది.
Never Witnessed This Kind of Rain in my weather Blogging 🤐⛈️💨⚡
📍Jeedimetla, Quthbullapur.#Hyderabadrains pic.twitter.com/4MnIL1EsJL
— Hyderabad Rains (@Hyderabadrains) April 25, 2023
భారీ వర్షం కారణంగా రహదారులు జలమయమయ్యాయి. పలుచోట్ల భారీగా ట్రాఫిక్ జామ్ అయ్యింది. ఓ వైపు ఈదురుగాలులతో భారీ వర్షం.. మరో వైపు ట్రాఫిక్ జామ్కావడంతో వాహనదారులు తీవ్ర ఇక్కట్లకు గురయ్యారు. పలుచోట్ల విద్యుత్ సరఫరా నిలిచిపోయింది. మరో వైపు రాగల మూడు రోజుల్లో హైదరాబాద్ సహా పలు జిల్లాల్లో ఈదురుగాలులు, ఉరుములు, మెరుపులతో వడగళ్ల వాన కురిసే అవకాశం హెచ్చరించింది. ఈ మేరకు ఆరెంజ్ను అలెర్ట్ను జారీ చేసింది. మరో వైపు హైదరాబాద్లో రాబోయే రెండు గంటల పాటు వర్షం కొనసాగే అవకాశం ఉందని అధికారులు హెచ్చరించారు. ప్రజలు ఇండ్లల్లోనే ఉండాలని హెచ్చరించారు. సహాయం కోసం 040-29555500 నంబర్లో సంప్రదించాలని సూచించారు. హైదరాబాద్తో పాటు పలు యాదాద్రి భువనగిరి, జనగామ, ములుగుతో పాటు పలు జిల్లాల్లో వర్షం ఈదురుగాలులతో వర్షం కురుస్తున్నది.
Heavy Rain at Neredmet pic.twitter.com/6RLFCHwPFZ
— YOUSUF (@YOUSUF966682217) April 25, 2023