‘అంబేద్కర్‌ ఓవర్సీస్‌’కు విశేష ఆదరణ

గిరిజన విద్యార్థుల విదేశీ విద్యకోసం అమలుచేస్తున్న అంబేద్కర్‌ ఓవర్సీస్‌ పథకానికి పూర్తిస్థాయి ఆదరణ లభిస్తున్నది. తొలుత 50 మంది లక్ష్యంగా ప్రారంభించిన పథకాన్ని ప్రస్తుతం ఏటా 100 మంది వినియోగించుకుంటున్నారు.

హైదరాబాద్‌, ఆగస్టు 17 (నమస్తే తెలంగాణ): గిరిజన విద్యార్థుల విదేశీ విద్యకోసం అమలుచేస్తున్న అంబేద్కర్‌ ఓవర్సీస్‌ పథకానికి పూర్తిస్థాయి ఆదరణ లభిస్తున్నది. తొలుత 50 మంది లక్ష్యంగా ప్రారంభించిన పథకాన్ని ప్రస్తుతం ఏటా 100 మంది వినియోగించుకుంటున్నారు.

కేసీఆర్‌ నేతృత్వంలోని బీఆర్‌ఎస్‌ ప్రభుత్వం 2014-15లో అంబేద్కర్‌ ఓవర్సీస్‌ పథకాన్ని ప్రవేశపెట్టింది. ఒక్కో విద్యార్థి విదేశీ విద్యకోసం రూ.20 లక్షల వరకు మంజూరు చేశారు. 2022-23 సంవత్సరంలో ఈ పథకాన్ని ఏటా 100 మందికి అమలు చేయాలని నిర్ణయించారు.

ప్రస్తుత ఆర్థిక సంవత్సరం (2024-25) నుంచి ఏటా 250 మంది గిరిజన విద్యార్థులకు ప్రయోజనం చేకూర్చాలని రాష్ట్ర ప్రభుత్వం నిర్ణయించింది. ఈ పథకం కోసం ఆన్‌లైన్‌లో దరఖాస్తు చేసుకొనే ప్రక్రియ ప్రారంభమైంది. అర్హులైనవారు దరఖాస్తు చేసుకోవాలని ఆ శాఖ ఉన్నతాధికారులు కోరుతున్నారు.