ఏఐజీలో డయాబెటిక్‌ పరిశోధన కేంద్రం

దేశాన్ని పట్టిపీడిస్తున్న మధుమేహ మహమ్మారిని నిర్మూలించేందుకే డయాబెటిక్‌ పరిశోధన కేంద్రాన్ని ఏర్పాటు చేశామని ఏఐజీ చైర్మన్‌ డాక్టర్‌ డీ నాగేశ్వర్‌రెడ్డి తెలిపారు. హైదరాబాద్‌ గచ్చిబౌలిలోని ఏఐజీ దవాఖానలో ఆయన పలువురు వైద్యనిపుణులతో కలిసి డయాబెటిక్‌ పరిశోధనా కేంద్రాన్ని ప్రారంభించారు.

హైదరాబాద్‌ సిటీబ్యూరో, మార్చి 27 (నమస్తే తెలంగాణ): దేశాన్ని పట్టిపీడిస్తున్న మధుమేహ మహమ్మారిని నిర్మూలించేందుకే డయాబెటిక్‌ పరిశోధన కేంద్రాన్ని ఏర్పాటు చేశామని ఏఐజీ చైర్మన్‌ డాక్టర్‌ డీ నాగేశ్వర్‌రెడ్డి తెలిపారు. హైదరాబాద్‌ గచ్చిబౌలిలోని ఏఐజీ దవాఖానలో ఆయన పలువురు వైద్యనిపుణులతో కలిసి డయాబెటిక్‌ పరిశోధనా కేంద్రాన్ని ప్రారంభించారు.

ఈ సందర్భంగా ఆయన మాట్లాడుతూ ప్రపంచవ్యాప్తంగా డయాబెటిక్‌ రోగుల్లో భారత్‌ ముందంజలో ఉన్నదని తెలిపారు. ఈ మధుమేహ సమస్యలను భారతీయ దృక్కోణంలో పరిశోధించడానికి ఒక ప్రత్యేక పరిశోధనా కేంద్ర అవసరాన్ని గుర్తించామని చెప్పారు. ఆసియాలోనే తొలిసారిగా ఏర్పాటుచేసిన ఈ పరిశోధనా కేంద్రం ద్వారా డయాబెటిస్‌ అవసమైన నూతన చికిత్సా పద్ధతులకు కొత్త మార్గదర్శకాలు కనుగొనేందుకు కృషి చేస్తామని డాక్టర్‌ రెడ్డి వివరించారు.