ఆర్మీ జవాన్కు అశ్రునివాళి
అశ్రునయనాల మధ్య ఆర్మీ జవాన్ అనిల్ అంత్యక్రియలు శనివారం ఆయన స్వగ్రామంలో ముగిసాయి. గురువారం జమ్ముకశ్మీర్లో జరిగిన హెలికాప్టర్ ప్రమాదంలో అసువులుబాసిన అనిల్ (29) భౌతికకాయం శనివారం ఉదయం ఆయన స్వగ్రామమైన రాజన్న సిరిసిల్ల జిల్లా బోయినపల్లి మండలం మల్కాపూర్కు చేరింది.
- సైనిక లాంఛనాలతో అనిల్ అంత్యక్రియలు
- పాల్గొన్న మంత్రి గంగుల, ప్రణాళికా సంఘం ఉపాధ్యక్షుడు వినోద్కుమార్
- శోకసంద్రమైన మల్కాపూర్ గ్రామం
బోయినపల్లి, మే 6 : అశ్రునయనాల మధ్య ఆర్మీ జవాన్ అనిల్ అంత్యక్రియలు శనివారం ఆయన స్వగ్రామంలో ముగిసాయి. గురువారం జమ్ముకశ్మీర్లో జరిగిన హెలికాప్టర్ ప్రమాదంలో అసువులుబాసిన అనిల్ (29) భౌతికకాయం శనివారం ఉదయం ఆయన స్వగ్రామమైన రాజన్న సిరిసిల్ల జిల్లా బోయినపల్లి మండలం మల్కాపూర్కు చేరింది. తొలుత కరీంనగర్ జిల్లా గంగాధర మండల ఎక్స్ రోడ్డు నుంచి ఆర్మీకి చెందిన వాహనంలో అనిల్ భౌతికకాయాన్ని అశేష జనవాహిని మధ్య భారీ బైక్ ర్యాలీ మధ్యన మల్కాపూర్కు తీసుకువచ్చారు. భౌతికకాయం చేరుకోగానే అనిల్ తల్లిదండ్రులు లక్ష్మి, మల్లయ్య, భార్య సౌజన్య, కుమారులు అయాన్, ఆరవ్ బోరునవిలపించారు. ఈ దృశ్యాలు అక్కడున్న వారిని కంటతడి పెట్టించాయి.

ప్రముఖుల నివాళి..
బీసీ సంక్షేమ శాఖ మంత్రి గంగుల కమలాకర్, రాష్ట్ర ప్రణాళికా సంఘం ఉపాధ్యక్షుడు బోయినపల్లి వినోద్కుమార్, ఎమ్మెల్యే సుంకె రవి శంకర్, కలెక్టర్ అనురాగ్ జయం తి, ఎస్పీ అఖిల్ మహజన్, ఆర్మీ మేజర్ పర ష్ సమంత్ తదితరులు మల్కాపూర్కు చేరుకొని అనిల్ పార్థివదేహంపై పుష్పగుచ్ఛాలు ఉంచి గౌరవ వందనం చేశారు. అనంతరం అశేష జనవాహిని మధ్య అనిల్ వ్యవసాయ క్షేత్రం వరకు అంతిమ యాత్ర కొనసాగింది. పార్థివ దేహంపై ఉన్న జాతీయ జెండాను, ఆర్మీ యూనిఫాంను ఆయన సతీమణి సౌజన్యకు ఆర్మీ అధికారి అందించారు.

ఆయన భార్య సౌజన్య జాతీయ జెండాతోపాటు, యూనిఫామ్ను హత్తుకొని విలపించారు. అనంతరం అనిల్ పార్థివ దేహాన్ని చూపించగా, కుటుంబ సభ్యులు కన్నీరుమున్నీరయ్యారు. దాదాపు 20 నిమిషాలు మృతదేహంపై పడి విలపించారు. అనిల్ పెద్ద కొడు కు అయాన్ తండ్రి చితికి నిప్పంటించగా, ఆర్మీ అధికారులు గౌరవ సూచకంగా గాలిలోకి మూడు రౌండ్ల కాల్పులు జరిపారు. బీఆర్ఎస్ రాష్ట్ర నాయకులు జోగినపల్లి రవీందర్రావు, ప్రేమ్సాగర్రావు, జిల్లా నాయకులు చెన్నాడి అమిత్కుమార్ తదితరులు అంత్యక్రియలకు హాజరయ్యారు.

Read Today's Latest Telangana News in Telugu and Telugu News
RELATED ARTICLES
తాజా వార్తలు
Bigg Boss 10 | హైపర్ ఆది పంచులతో హౌస్లో నవ్వుల సందడి.. శ్వేత ఎలిమినేట్,అమన్ ఎమోషనల్!
SIR Voter List | ఓటర్లకు ఈసీ భారీ ఊరట.. ఫామ్-6 దాఖలు చేస్తే కేసులు పెట్టరు
Delimitation | వింటర్ సెషన్లో డీలిమిటేషన్.. డిసెంబర్ మొదటివారంలో పార్లమెంట్ సమావేశాలు
Srisailam Reservoir | శ్రీశైలంలో తగ్గిన నీటిమట్టం.. వేసవిలో తాగునీటికి తప్పని కష్టాలు
Birds in Winter | చలి దెబ్బకు పక్షులు విలవిల.. వాతావరణ మార్పులతో మనుగడకు ముప్పు
ట్రెండింగ్ వార్తలు
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video
Newborn dies due to DJ Sound | డీజే శబ్దానికి గుండె ఆగి.. నవజాత శిశువు మృతి
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ

