BJP | చింతల్‌లో ఓటుకు రూ.5 వేలు పంచుతూ రెడ్ హ్యాండెడ్‎గా పట్టుబడిన బీజేపీ నాయకుడు

BJP | ఎన్నికల్లో ఎలాగైనా గెలువాలని బీజేపీ పార్టీ ఓటర్లను(voters ) ప్రలోభాలకు గురి చేస్తున్నది. విచ్చలవిడిగా డబ్బు, మద్యం పంపిణీ చేసి ఓట్లను కొనాలని చూస్తున్నది. అందులో భాగంగా జీడిమెట్ల పోలీస్ స్టేషన్ పరిధిలోని చింతల్( Chintal)‎లో డబ్బులు పంచుతున్న వ్యక్తిని(BJP leader )బాలానగర్ ఎస్ఓటీ పోలీసులు అదుపులోకి తీసుకున్నారు. అఖిల్ అనే వ్యక్తిని అరెస్ట్ చేసి లక్ష రుపాయల నగదును స్వాధీనం చేసుకున్నారు.

హైదరాబాద్‌ : ఎన్నికల్లో ఎలాగైనా గెలువాలని బీజేపీ పార్టీ ఓటర్లను(voters ) ప్రలోభాలకు గురి చేస్తున్నది. విచ్చలవిడిగా డబ్బు, మద్యం పంపిణీ చేసి ఓట్లను కొనాలని చూస్తున్నది. అందులో భాగంగా జీడిమెట్ల పోలీస్ స్టేషన్ పరిధిలోని చింతల్( Chintal)‎లో డబ్బులు పంచుతున్న వ్యక్తిని(BJP leader )బాలానగర్ ఎస్ఓటీ పోలీసులు అదుపులోకి తీసుకున్నారు. అఖిల్ అనే వ్యక్తిని అరెస్ట్ చేసి లక్ష రుపాయల నగదును స్వాధీనం చేసుకున్నారు. అఖిల్ ఒక్కో కవర్‎లో రూ.5000 నగదు చొప్పున పెట్టి ఓటర్లకు పంచుతుండగా అరెస్ట్ చేశారు.

నిందితుడు అఖిల్ స్థానికంగా ఉన్న సమ్మక్క-సారక్క క్రషర్ మిషన్ కంపెనీలో ఉద్యోగిగా పనిచేస్తున్నాడు. అయితే అఖిల్ కుత్బుల్లాపూర్ బీజేపీ అభ్యర్థి కూన శ్రీశైలం గౌడ్‎కు ముఖ్య అనుచరుడు కావడం గమనార్హం. ఓటుకు 5వేల నగదు ఇచ్చి ప్రలోభాలకు గురిచేస్తున్నారని బీజేపీపై స్థానికులు మండిపడుతున్నారు. బీజేపీ అభ్యర్థి కూన శ్రీశైలం గౌడ్ అనుచరుడు అఖిల్‎ను అరెస్ట్ చేసి, కవర్‎లో పంచడానికి సిద్ధంగా ఉన్న నగదును సీజ్ చేసి జీడిమెట్ల పోలీసులకు ఎస్ఓటీ పోలీసులు అప్పగించారు. కేసు నమోదు చేసిన జీడిమెట్ల పోలీసులు దర్యాప్తు చేస్తున్నారు.