Madhya Pradesh | నిద్రిస్తున్న మహిళను 300 మీటర్లు లాక్కెళ్లిన పులి.. ఆస్పత్రిలో చికిత్స పొందుతూ మహిళ మృతి
Madhya Pradesh : మధ్యప్రదేశ్లోని, బాలాఘాట్ జిల్లాలో దారుణం జరిగింది. గుడిసెలో నిద్రిస్తున్న ఒక మహిళను పులి లాక్కెళ్లి, తీవ్రంగా గాయపరిచింది. ఈ ఘటనలో మహిళ మరణించింది. ఈ ఘటన మధ్యప్రదేశ్లోని, బాలాఘాట్ జిల్లా, ఖాపా రేంజ్ పరిధి, పర్రాపూర్ బైగోటోలా గ్రామంలో శనివారం అర్ధరాత్రి జరిగింది.
Madhya Pradesh : మధ్యప్రదేశ్లోని, బాలాఘాట్ జిల్లాలో దారుణం జరిగింది. గుడిసెలో నిద్రిస్తున్న ఒక మహిళను పులి లాక్కెళ్లి, తీవ్రంగా గాయపరిచింది. ఈ ఘటనలో మహిళ మరణించింది. ఈ ఘటన మధ్యప్రదేశ్లోని, బాలాఘాట్ జిల్లా, ఖాపా రేంజ్ పరిధి, పర్రాపూర్ బైగోటోలా గ్రామంలో శనివారం అర్ధరాత్రి జరిగింది. ఈ ప్రదేశం కన్హా నేషనల్ పార్క్ పరిధిలో ఉంది. స్థానికులు తెలిపిన వివరాల ప్రకారం.. గ్రామంలో సుగ్ని బాయ్ దుర్వే అనే 30 ఏళ్ల మహిళ తన కుటుంబంతో కలిసి గుడిసెలో ఉంటోంది. ఈ గుడిసెకు తలుపు లేదు. ఈ క్రమంలో రాత్రి గుడిసెలోకి పులి చొరబడింది.
నిద్రిస్తున్న సుగ్ని తలను నోట కరుచుకుని పులి వెళ్లిపోయింది. ఈ క్రమంలో బాధిత మహిళ అరుపులు విన్న కుటుంబ సభ్యులు లేచారు. చుట్టుపక్కల వారిని సాయం కోసం గట్టిగా అరిచారు. దీంతో అప్రమత్తమైన వారు మహిళను రక్షించేందుకు ప్రయత్నించారు. టార్చ్లు, కర్రలతో రాత్రి పూట ఆ మహిళను ఎత్తుకెళ్లిన పులి కోసం గాలించారు. ఆలోపే ఆ మహిళ తల భాగం నోట్లో పెట్టుకున్న పులి, ఆమెను 300 మీటర్ల దూరంలోని అటవీ ప్రాంతానికి లాక్కెళ్లింది. అందరూ వెంబడించడంతో కొద్దిసేపటి తర్వాత ఆమెను విడిచిపెట్టి, పులి అడవిలోకి వెళ్లిపోయింది. వెంటనే బాధిత మహిళను స్థానికులు బిహార్లోని ఒక ఆస్పత్రికి తరలించారు. అప్పటికే సుగ్నికి తీవ్రగాయాలు కావడంతో అక్కడ చికిత్స పొందుతూ ప్రాణాలు కోల్పోయింది. ఈ ఘటనపై బాధిత మహిళ కుటుంబంతోపాటు, స్థానికులు ఆగ్రహం వ్యక్తం చేస్తున్నారు.
అధికారుల నిర్లక్ష్యం వల్లే ఆమె ప్రాణాలు కోల్పోయిందని ఆరోపిస్తున్నారు. ఇటీవలి కాలంలో ఈ ప్రాంతంలోని నివాస స్థలాల్లోకి పులులు, చిరుతలు తరచూ వస్తూ, దాడి చేస్తున్నాయని స్థానికులు ఆరోపించారు. మహిళ ఉంటున్న గుడిసెకు తలుపులు లేకపోవడం కూడా ఒక కారణమని చెబుతున్నారు. ప్రభుత్వం ఆమెకు ఇల్లు మంజూరు చేయకపోవడం వల్ల కూడా ఈ ఘటన జరిగిందని ఆరోపిస్తున్నారు. దీనిపై ఫారెస్టు అధికారులు, పోలీసులు విచారణ జరుపుతున్నారు. మరణించిన మహిళ కుటుంబానికి నష్టపరిహారం అందిస్తామని అధికారులు తెలిపారు. పులిని త్వరలోనే బంధిస్తామని చెప్పారు.
Read Today's Latest National News in Telugu and Telugu News
- Tags
- Balaghat
- Madhya Pradesh
- tiger
- Woman
RELATED ARTICLES
తాజా వార్తలు
Ramayana | ‘ఛావా’ రికార్డు బద్దలు.. కేవలం 9 రోజుల్లో రూ. 1100 కోట్ల క్లబ్లో ‘రామాయణం’!
Cancer | 50 రకాల క్యాన్సర్లను ముందుగానే గుర్తించే కొత్త రకమైన పరీక్ష.. ఏంటిది.. క్యాన్సర్ను ఎలా గుర్తిస్తుంది..?
Cyclone | ఏపీకి పొంచి ఉన్న మరో తుపాను ముప్పు
Harish Rao | మూడు బడ్జెట్లు.. అవే హామీలు.. అమలెక్కడ?.. ఆరు గ్యారంటీల వైఫల్యాలపై రాహుల్కు హరీశ్రావు ప్రశ్నలు!
Tamil Cinema | ఇది తమిళ నామ సంవత్సరం.. ఇండియన్ బాక్సాఫీస్ను ఊపేస్తున్న కోలీవుడ్!
ట్రెండింగ్ వార్తలు
Hindu names on Muslim wedding cards | ముస్లింల వెడ్డింగ్ కార్డులపై హిందూ పేర్లు.. నిఖా రద్దు చేయాలని బెదిరింపులు
పెళ్లికొడుకు, పెళ్లికూతురు ఇద్దరూ పురుషులే.. హిమాచల్ ప్రదేశ్లో వింత పండుగ!
Watch: బైకర్పై ఏనుగు దాడి.. అతడ్ని పలుమార్లు తొక్కిన వీడియో వైరల్
Watch: దంపతులు టీవీ చూస్తుండగా ఇంట్లోకి ప్రవేశించిన చిరుత.. తర్వాత ఏం జరిగిందంటే?
Viral News | ఎన్క్లోజర్ నుంచి సొరంగం తవ్వి తప్పించుకున్న పెద్దపులి.. తర్వాత ఏమైందంటే..!

