ప్రజాపాలన కార్యక్రమాలకు 22.93 కోట్లు విడుదల

ఈ నెల 28 నుంచి వచ్చే జనవరి ఆరో తేదీ వరకు గ్రామీణ, పట్టణ ప్రాంతాల్లో అమలు చేయనున్న ప్రజాపాలన కార్యక్రమ నిర్వహణకు ప్రభుత్వం ఆదివారం రూ.22.93 కోట్ల నిధులను విడుదల చేసింది.

హైదరాబాద్‌, డిసెంబర్‌ 24(నమస్తే తెలంగాణ): ఈ నెల 28 నుంచి వచ్చే జనవరి ఆరో తేదీ వరకు గ్రామీణ, పట్టణ ప్రాంతాల్లో అమలు చేయనున్న ప్రజాపాలన కార్యక్రమ నిర్వహణకు ప్రభుత్వం ఆదివారం రూ.22.93 కోట్ల నిధులను విడుదల చేసింది. ఈ మేరకు పంచాయతీరాజ్‌ గ్రామీణాభివృద్ధి శాఖ ఆదివారం ఉత్తర్వులు జారీ చేసింది. కార్యక్రమ అమలులో భాగంగా రవాణా, మౌలిక సౌకర్యాలు, ఇతర ఏర్పాట్ల కోసం ఈ నిధులను వినియోగించనున్నారు. ఒక్కో గ్రామ పంచాయతీకి, మున్సిపల్‌ వార్డుకు రూ.10 వేల చొప్పున ఖర్చు చేయనున్నారు.

విడుదలైన నిధుల వివరాలు

• 12,769 గ్రామ పంచాయతీలు రూ.12.77 కోట్లు
• 3658 మున్సిపల్‌ వార్డులకు రూ.3.66 కోట్లు
• వాహనాల బృందాలు(20 వేల చొప్పున) రూ.3.20 కోట్లు
• జిల్లాకు రూ.10 వేలు(ఇతర ఖర్చులు) రూ.3.30 కోట్లు
• నిధులు మొత్తం రూ.22.93 కోట్లు