పీజీఈసెట్‌కు 15,060 దరఖాస్తులు

చదువుకోవాలన్న తృష్ణ.. ఉన్నత స్థానాలను అధిరోహించాలన్న ఆకాంక్ష ఉంటే చాలు వయస్సుతో పనేముంది అంటున్నారు ఈ నలుగురు. తమ పిల్లల వయసు ఉన్న వారితో సై అంటూ పోటీపడుతున్నారు. ఎంసెట్‌ రాసి ఇంజినీరింగ్‌, ఫార్మసీ కోర్సులను చదివేస్తామంటున్నారు. టీఎస్‌ ఎంసెట్‌కు ఈ ఏడాది 56 ఏండ్ల మహిళా అభ్యర్థి దరఖాస్తు చేసుకొన్నారు.

హైదరాబాద్‌, మే 5 (నమస్తే తెలంగాణ): ఎంఈ, ఎంటెక్‌, ఎం ఫార్మసీ వంటి కోర్సుల్లో ప్రవేశాలకు నిర్వహించే పీజీఈసెట్‌కు భారీగా దరఖాస్తులు వెల్లువెత్తాయి. శుక్రవారం తుది గడువు నాటికి మొత్తం15,060 దరఖాస్తులు నమోదయ్యాయి. నిరుడు 14,612 దరఖాస్తులు రాగా, ఈ ఏడాది 15 వేలకు పైగా దరఖాస్తులొచ్చాయి.

ఈ నెల 12 నుంచి 14 వరకు దరఖాస్తులను సవరించుకోవచ్చని పీజీఈసెట్‌ కన్వీనర్‌ రవీంద్రారెడ్డి తెలిపారు. ఆలస్య రుసుముతో ఈ నెల 24 వరకు దరఖాస్తు చేసుకోవచ్చని చెప్పారు. 29, జూన్‌ 1న హైదరాబాద్‌, వరంగల్‌ కేంద్రాల్లో పరీక్షలు నిర్వహిస్తామని తెలిపారు. 21 నుంచే హాల్‌టికెట్లు అందుబాటులో ఉంచుతామని పేర్కొన్నారు.