పుస్తక సమీక్ష

ప్రతి పదమూ ఓ విశేషార్థాన్ని కలిగి ఉంటుంది. ఆ పదాలే.. పదములుగా దైవాన్ని స్తుతిస్తే.. అంతకన్నా పరమార్థం ఏముంటుంది? రచయిత ఆళ్లపల్లి రవీంద్రరావు తనదైన భక్తి భావాన్ని ‘శివ పదములు’, ‘సాయి పదములు’ పేరుతో ఆవిష్కరించారు.

భక్తి ప్రమిదలు

ప్రతి పదమూ ఓ విశేషార్థాన్ని కలిగి ఉంటుంది. ఆ పదాలే.. పదములుగా దైవాన్ని స్తుతిస్తే.. అంతకన్నా పరమార్థం ఏముంటుంది? రచయిత ఆళ్లపల్లి రవీంద్రరావు తనదైన భక్తి భావాన్ని ‘శివ పదములు’, ‘సాయి పదములు’ పేరుతో ఆవిష్కరించారు. పరమాత్ముడి పాదాలు వదలక పట్టుకునే ప్రయత్నమే ఈ ‘శివ పదములు’ అని ప్రకటించుకున్నారు రచయిత. వేములవాడ రాజన్నకు నీరాజనంగా వెలువరించిన శివ పదములు ఆ క్షేత్ర వైభవాన్ని కళ్లకు కడతాయి. అంతేకాదు ద్వాదశ జ్యోతిర్లింగాల ప్రాభవాన్ని, పంచభూత లింగాల ప్రాశస్త్యాన్ని ఆసక్తికరంగా ఆవిష్కరించారు. ఇందులోని యాభై పద్య కుసుమాలు.. శివయ్య తత్వాన్ని, ఆధ్యాత్మిక పరిమళాల్నీ వెదజల్లుతాయి. శివ పదములకు అనుబంధంగా పొందుపరిచిన ‘శక్తి పదములు’ అమ్మవారి శక్తిని అవగతం చేస్తాయి.

ఆళ్లపల్లి రవీంద్రరావు ఆవిష్కరించిన మరో ఆధ్యాత్మిక కరభూషణం ‘సాయి పదములు’. శిరిడీనాథుణ్ని స్తుతిస్తూ ఇందులో 50 పద్యాలు రాశారు. సాయి సచ్చరిత్రనంతా ఇందులో పొందుపరిచారు రచయిత. ద్వారకామాయిలో సాయి చూపిన లీలలు, భక్తులను ఆయన అనుగ్రహించిన వైనమూ ఇలా ఎన్నెన్నో విశేషాలు మనకు అందించారు. పద్యం అనగానే మనకెక్కడ అర్థం అవుతుందని చాలామంది భావిస్తుంటారు. కానీ, తేలికైన పదాలు ఉపయోగిస్తూ లోతైన తత్వాన్ని పాఠకులకు అందించే ప్రయత్నం చేశారు రచయిత. ఈ పదములు చదువుతుంటే.. మనసులో భక్తి భావం వెల్లివిరుస్తుంది. అదే సమయంలో మన భాషలోని పదాల వైచిత్రినీ గమనించవచ్చు.

శివ పదములు, సాయి పదములు

రచయిత: ఆళ్లపల్లి రవీంద్రరావు

ప్రతులకు: 90001 10309

అట్లనే

రచన : అన్నవరం దేవేందర్‌
పేజీలు : 121;
ధర : రూ.125
ప్రచురణ : సాహితీ సోపతి, కరీంనగర్‌.
ప్రతులకు : అన్ని ప్రముఖ పుస్తక కేంద్రాలు
ఫోన్‌ : 94407 63479

భైరవి

రచన : విజయలక్ష్మి కొలపర్తి
పేజీలు : 96;
ధర : రూ.150
ప్రచురణ : కవి పబ్లికేషన్స్‌
ప్రతులకు : అన్ని ప్రముఖ పుస్తక కేంద్రాలు
ఫోన్‌ : 85588 99478