శరీరాన్ని అందంగా, పొందికగా తీర్చిదిద్దుకోవాలని అందరికీ ఉంటుంది. ఉదయాన్నే వాకింగ్, జాగింగ్ వంటివి కూడా చేస్తుంటారు. వీటివల్ల మనసూ ప్రశాంతంగా ఉంటుంది. కానీ బయటికి వెళ్లే తీరికలేనివారి పరిస్థితి ఏమిటి? అలాంటి వారికోసం వచ్చిందే.. యోగిఫై( YogiFi )స్మార్ట్ మ్యాట్. ఈ చాప ఓ గురువులా వ్యవహరిస్తుంది. మన వ్యాయామాన్ని పరిశీలిస్తుంది. అందులో లోటుపాట్లను కనిపెడుతుంది. ఇన్బిల్ట్ సెన్సర్లతో రూపొందిన ఈ మ్యాట్ను ఫోన్కు కనెక్ట్ చేసుకుంటే చాలు. ఏ వ్యాయామం ఎంతసేపు చేయాలి, ఏయే వ్యాయామాలు చేయాలన్నదీ సూచిస్తుంది. మొబైల్ అప్లికేషన్తో పాటు మ్యాట్ ఆన్లైన్ ధర రూ.15,000. వివరాలకు yogifi.co.in చూడవచ్చు.
ప్రాచీన వస్తువుల విలువ రోజురోజుకూ పెరిగిపోతున్నది. అలనాటి విగ్రహాలు, శిల్పాలకు ఎనలేని ఆదరణ ఉంది. కాకపోతే, ఏ కుబేరులో వాటిని వేలంపాటల్లో కొనగలరు. చూడ్డానికి యాంటిక్స్లా కనిపించే వస్తువులకూ మంచి గిరాకీ ఉంది. ముఖ్యంగా కంచు విగ్రహాల తయారీలో పేరొందిన రతన్కృష్ణ ప్రాణంపోసిన మెడిటేషన్ బుల్, రోరింగ్ బుల్ బొమ్మలు అంతర్జాతీయ కళాభిమానులనూ ఆకట్టుకుంటున్నాయి. తాజాగా మార్కెట్లోకి వచ్చిన ఈ మెడిటేషన్ బుల్ ధర దాదాపు రెండున్నర లక్షలు. ఇది Kynkyny.comలో అందుబాటులో ఉంది.
ఏ టూర్కో వెళ్లినప్పుడు పిల్లల చేతిలో ఫోన్ ఉంటే నిశ్చింతగా అనిపిస్తుంది. కానీ, ఆ స్మార్ట్ఫోన్లోని ఫీచర్స్ కారణంగా ఎక్కడ పక్కదారిపడతారో అనే భయం వెంటాడుతూ ఉంటుంది. ఇక ఆ అనుమానం అక్కర్లేదు. మార్కెట్లోకి కొత్తగా వచ్చిన ఈజీఫోన్(Esayfone)లో కాల్స్ చేయడం, రిసీవ్ చేసుకోవడం.. అనే రెండు ఆప్షన్లు మాత్రమే ఉన్నాయి. జీపీఎస్ ట్రాకర్, అలర్ట్ సైరన్, ఆటో కాలింగ్తోపాటు హెల్ప్ బటన్ కూడా జోడించారు. పిల్లలు తేలిగ్గా ఫోన్ చేసేందుకు వీలుగా కీబోర్డుకు బదులు బటన్స్ ఉంటాయి. వీటిమీద ఫొటోలు అంటించి, నంబర్లు సెట్ చేసిపెట్టుకుంటే చాలు. ఆన్లైన్ ధర. రూ.3,999 మాత్రమే. మరిన్ని వివరాలకు easyfone.in చూడవచ్చు.
సుప్రసిద్ధ కలాల తయారీ సంస్థ విలియమ్ పెన్ రెండు కొత్త పెన్నులను మార్కెట్లో విడుదల చేసింది. ఫౌంటెన్ పెన్నులకు విలియమ్ బ్రాండ్ పెట్టింది పేరు. సెయిలర్ సిరీస్లో భాగంగా.. ‘ఆటమ్ స్కై’, ‘బ్లూ డాన్’ అనే మరో రెండు పెన్నులను జతచేసింది. ఈ రెండు కలాలూ ముచ్చటైన రంగుతో, అందమైన తీరుతో ఆకట్టుకుంటున్నాయి. ఆన్లైన్ ధరలు రూ.19,500 నుంచి మొదలవుతాయి. వివరాలకు williampenn.net చూడవచ్చు.
Naya Mall | ఈ ఒక్క బాటిల్ ఉంటే ఫ్రిజ్, వాటర్ ఫిల్టర్ ఏవీ అక్కర్లేవు”
Naya Mall | ఈ గ్యాడ్జెట్ ఇంట్లో ఉంటే మీ మాటలు బయటకు వినిపించవు..”
Naya Mall | దీంతో మసాజ్ చేస్తే ముడతలు తగ్గుతాయంట.. ధర ఎంతో తెలుసా!!”
Naya Mall | ఈ బాటిల్లో ఎంత మురికి నీళ్లు పోసినా.. ఫిల్టర్ నీళ్లలా మారిపోతాయి”
Naya Mall | ఈ గ్యాడ్జెట్ ఉంటే దోమలు మీ ఇంటివైపు కన్నెత్తి చూడవు”