Sherfane Rutherford : క్రికెట్లో ‘ప్లేయర్ ఆఫ్ ది సిరీస్'(Player Of The Series)గా నిలిచిన బ్యాటర్కు ఖరీదైన బైక్ లేదంటే కొత్త మోడల్ కారు బహుమతిగా ఇస్తారు. కానీ, వెస్టిండీస్ యువ క్రికెటర్ షెర్ఫానే రూథర్ఫర్డ్ (Sherfane Rutherford)కు మాత్రం ఊహించని కానుక లభించింది. అతను అమెరికా(United States Of America)లో అర ఎకరం భూమిని బహుమతిగా అందుకున్నాడు. ఈ సంఘటన ఎక్కడ జరిగిందో తెలుసా..? కెనడాలో జరిగిన గ్లోబల్ టీ20(Global T20) మూడో సీజన్లో.
టోర్నీలో అద్భుతంగా రాణించిన రూథర్ఫర్డ్కు ‘ప్లేయర్ ఆఫ్ ది సిరీస్’ట్రోఫీతో పాటు అర ఎకరం భూమి ఇచ్చారు. విండీస్ దిగ్గజం క్లైవ్ లాయిడ్(Clive Lloyd) చేతుల మీదుగా అతను ఈ అవార్డు అందుకున్నాడు. దాంతో, అందరూ అతడిని జాక్పాట్ కొట్టేశాడని అంటున్నారు.
It was a busy presentation ceremony for Sherfane Rutherford and deservingly so 🫶
Dean Jones – Most Valuable Player ✅
Finals Man of the Match ✅
Moment of the Match ✅#GT20Canada #GT20Season3 #GlobalT20 #CricketsNorth #GT20Finals #SJvMT pic.twitter.com/OCHQxU4IlT— GT20 Canada (@GT20Canada) August 7, 2023
కెనడాలోని ఒంటారియోలో జూలై 20న మొదలైన గ్లోబల్ 20 లీగ్ ఆగస్టు 6న ముగిసింది. ఈసారి మాంట్రియల్ టైగర్స్(Montreal Tigers) జట్టు చాంపియన్గా అవతరించింది. ఫైనల్లో సర్రీ జాగ్వార్స్(Surrey Jaguars) జట్టుపై 5 వికెట్ల తేడాతో గెలుపొందింది. ఈ టోర్నమెంట్ ఆసాంతం అదరగొట్టిన రూథర్ఫర్డ్ టైటిల్ పోరులోనూ సత్తా చాటాడు. 29 బంతుల్లో 38 రన్స్ కొట్టి జట్టు తొలి గ్లోబల్ టీ20 ట్రోఫీ అందించాడు. అతడికి ఆండ్రూ రస్సెల్(6 బంతుల్లో 20 పరుగులు) సహకరించాడు.
గ్లోబల్ 20 లీగ్ ట్రోఫీతో మాంట్రియల్ టైగర్స్ జట్టు
మ్యాచ్ విన్నింగ్ ఇన్నింగ్స్ ఆడిన రూథర్ఫర్డ్ ‘ప్లేయర్ ఆఫ్ ది సిరీస్’గా ఎంపికయ్యాడు. దాంతో, నిర్వహకులు అతడికి అమెరికాలో అర ఎకరం భూమి ఇచ్చి ఆశ్చర్యపరిచారు. ధనాధన్ బ్యాటింగ్కు పెట్టింది పేరైన రూథర్ఫర్డ్ ఐపీఎల్లోనూ మెరిశాడు. ఢిల్లీ డేర్డెవిల్స్(Delhi Daredevils), రాయల్ చాలెంజర్స్ బెంగళూరు (Royal Challengers Bangalore) జట్ల తరఫున కొన్ని మ్యాచ్లు ఆడాడు.