వరంగల్‌ పారా అథ్లెట్ల హవా.. నాలుగు కాంస్యాలు సొంతం

ఢిల్లీలో జరిగిన ప్రతిష్టాత్మక వరల్డ్‌ పారా అథ్లెటిక్స్‌ గ్రాండ్‌ ప్రిక్స్‌ పోటీల్లో వరంగల్‌ జిల్లాకు చెందిన పారా అథ్లెట్లు ఏ. లోకేశ్‌, పీ. మమత అద్భుత ప్రతిభ కనబర్చారు.

హనుమకొండ చౌరస్తా, మార్చి 14: ఢిల్లీలో జరిగిన ప్రతిష్టాత్మక వరల్డ్‌ పారా అథ్లెటిక్స్‌ గ్రాండ్‌ ప్రిక్స్‌ పోటీల్లో వరంగల్‌ జిల్లాకు చెందిన పారా అథ్లెట్లు ఏ. లోకేశ్‌, పీ. మమత అద్భుత ప్రతిభ కనబర్చారు.

ఈ నెల 11 నుంచి 14 వరకు ఢిల్లీలోని జవహర్‌లాల్‌ నెహ్రూ స్టేడియంలో జరిగిన పోటీల్లో భాగంగా నర్సంపేటకు చెందిన లోకేశ్‌ (ఎఫ్‌-46) జావెలిన్‌ త్రో, షాట్‌పుట్‌ విభాగాల్లో రెండు కాంస్యాలు సాధించాడు. మరోవైపు మమత (ఎఫ్‌-55) షాట్‌పుట్‌, జావెలిన్‌త్రో క్యాటగిరీల్లో రెండు కాంస్యాలు గెలిచింది.