Ranji Trophy 2024 | శార్దూల్‌ ఆల్‌రౌండ్‌ షో.. తొలి రోజే ట్విస్టులతో మొదలైన రంజీ ఫైనల్‌

Ranji Trophy 2024 | ఏడో స్థానంలో బ్యాటింగ్‌కు వచ్చిన శార్దూల్‌ ఠాకూర్‌.. 69 బంతులాడి 75 పరుగులు చేశాడు. 37 బంతుల్లోనే అర్థ సెంచరీ సాధించిన అతడు ముంబైకి గౌరవప్రదమైన స్కోరును అందించాడు. బ్యాటింగ్‌లో అదరగొట్టిన శార్దూల్‌.. బౌలింగ్‌లోనూ విదర్భను తొలిదెబ్బ తీశాడు.

Ranji Trophy 2024 | రంజీ ట్రోఫీ ఫైనల్స్‌లో 41 సార్లు ఛాంపియన్‌ ముంబైని తొలి ఇన్నింగ్స్‌లో 224 పరుగులకే ఆలౌట్‌ చేశామన్న ఆనందం విదర్భకు ఎంతోసేపు నిలువలేదు. తొలి రోజు మూడో సెషనల్‌లో ఆ జట్టు కూడా మూడు కీలక వికెట్లను కోల్పోయి కష్టాల్లో పడింది. 13 ఓవర్ల ఆటే ఆడినా విదర్భ.. ఓపెనర్‌ ధ్రువ్‌ షోరే, అమన్‌ మోఖడెతో పాటు కరుణ్‌ నాయర్‌ వికెట్లను కోల్పోయింది. తొలి రోజు ఆట ముగిసే సమయానికి విదర్భ.. 13 ఓవర్లకు 3 వికెట్లు కోల్పోయి 31 రన్స్‌ చేసింది. ఇంకా ఆ జట్టు 193 పరుగుల వెనుకబడి  ఉంది.

ముంబైలోని వాంఖడే స్టేడియం వేదికగా జరుగుతున్న ఫైనల్‌లో భాగంగా టాస్‌ గెలిచి ముంబైని మొదట బ్యాటింగ్‌కు ఆహ్వానించిన విదర్భ సారథి అక్షయ్‌ వాడ్కర్‌ నమ్మకాన్ని జట్టు బౌలర్లు నిలబెట్టారు. ముంబై ఓపెనర్లు పృథ్వీ షా (46), భూపెన్‌ లల్వానీ (37)లు తొలి వికెట్‌కు 81 పరుగులో జోడించినప్పటికీ ఈ ఇద్దరూ ఔట్‌ అయ్యాక ఆ జట్టు బ్యాటింగ్‌ లైనప్‌ పేకమేడలా కూలిపోయింది. ముషీర్‌ ఖాన్‌ (6), అజింక్యా రహానే (7), శ్రేయస్‌ అయ్యర్‌ (7) విఫలమయ్యారు.

 

I.C.Y.M.I

Another fighting knock 💪@imShard came in at 111/6 and spearheaded Mumbai’s fight with an attacking 75(69) to help them post 224 🙌

Relive 📽️ his crucial knock 🔽@IDFCFIRSTBank | #Final | #MUMvVID

Follow the match ▶️ https://t.co/k7JhkLhOID pic.twitter.com/t1ZEsTRuy8

— BCCI Domestic (@BCCIdomestic) March 10, 2024

శార్దూల్‌ ఆల్‌రౌండ్‌ షో..

ఏడో స్థానంలో బ్యాటింగ్‌కు వచ్చిన శార్దూల్‌ ఠాకూర్‌.. 69 బంతులాడి 75 పరుగులు చేశాడు. అతడి ఇన్నింగ్స్‌లో 8 బౌండరీలు, 3 భారీ సిక్సర్లు ఉన్నాయి. 37 బంతుల్లోనే అర్థ సెంచరీ సాధించిన అతడు ముంబైకి గౌరవప్రదమైన స్కోరును అందించాడు. బ్యాటింగ్‌లో అదరగొట్టిన శార్దూల్‌.. బౌలింగ్‌లోనూ విదర్భను తొలిదెబ్బ తీశాడు. విదర్భ తొలి ఇన్నింగ్స్‌లో ఓపెనర్‌ ధ్రువ్‌ షోరేను మూడో ఓవర్లోనే వికెట్ల ముందు దొరకబుచ్చుకుని పెవిలియన్‌కు పంపాడు. ఆ తర్వాత అమన్‌, కరుణ్‌ నాయర్‌లను ధవల్‌ కులకర్ణి ఔట్‌ చేయడంతో విదర్భ కష్టాల్లో పడింది. బౌలింగ్‌కు అనుకూలిస్తున్న వాంఖెడే పిచ్‌పై ముంబై బౌలర్లను రెండో రోజు విదర్భ బ్యాటర్లు ఏ మేరకు అడ్డుకుంటారనేది ఆసక్తికరం.

 

The experience of Dhawal Kulkarni provides Mumbai a wicket in the evening session!

Vidarbha lose the crucial wicket of Karun Nair.

Follow the match ▶️ https://t.co/L6A9dXYmZA#RanjiTrophy | #MUMvVID | #Final | @IDFCFIRSTBank pic.twitter.com/VNk7HAkgSU

— BCCI Domestic (@BCCIdomestic) March 10, 2024