SRH vs RCB : బ్యాటర్లకు స్వర్గధామమైన ఉప్పల్ స్టేడియంలో రాయల్ చాలెంజర్స్ బెంగళూరు(Royal Challengers Bengaluru) బ్యాటర్లు చితక్కొట్టారు. చిన్నస్వామిలో తమపై రికార్డు స్కోర్ బాదిన సన్రైజర్స్ హైదరాబాద్(Sunrisers Hyderabad)కు భారీ టార్గెట్ నిర్దేశించారు. ఓపెనర్ విరాట్ కోహ్లీ(51), రజత్ పాటిదార్(50)లు అర్ధ సెంచరీలతో కదం తొక్కగా.. చివర్లో కామెరూన్ గ్రీన్(37 నాటౌట్), ఇంప్యాక్ట్ ప్లేయర్ స్వప్నిల్ సింగ్(12)లు బౌండరీలతో అలరించారు. నటరాజన్ వేసిన 20వ ఓవర్లో స్వప్నిల్ సిక్స్, ఫోర్ బాదాడు. దాంతో, ఆర్సీబీ నిర్ణీత ఓవర్లలో 7 వికెట్ల నష్టానికి 206 పరుగులు చేసింది. సన్రైజర్స్ బౌలర్లలో ఉనాద్కాట్ (3/40)తో రాణించాడు.
టాస్ గెలిచి బ్యాటింగ్ తీసుకున్న ఆర్సీబీకి ఓపెనర్లు శుభారంభమిచ్చారు. అభిషేక్ శర్మ వేసిన తొలి ఓవర్లో విరాట్ కోహ్లీ (51) బౌండరీతో 10 పరుగులే వచ్చినా.. ఆ తర్వాత భువనేశ్వర్, కమిన్స్ బౌలింగ్లో కోహ్లీ, డూప్లెసిస్(25)లు బౌండరీలతో చెలరేగారు. దాంతో బెంగళూరు స్కోర్ 3 ఓవర్లకే 40 దాటింది. ఈ జోడీని విడదీసేందుకు కమిన్స్.. నట్టూను రంగంలోకి దించి ఫలితం రాబట్టాడు. ఆ తర్వాత వచ్చిన విల్ జాక్స్(6)ను మార్కండే బౌల్డ్ చేసి ఆర్సీబీని ఒత్తిడిలోకి నెట్టాడు.
I.C.Y.M.I!
Rajat Patidar taking the attack to Mayank Markande 💥@RCBTweets 142/4 after 15 overs
Watch the match LIVE on @JioCinema and @StarSportsIndia 💻📱#TATAIPL | #SRHvRCB pic.twitter.com/xiDvZavpTA
— IndianPremierLeague (@IPL) April 25, 2024
అయితే.. కోహ్లీతో జతకట్టిన రజత్ పాటిదార్ సుడిగాలి ఇన్నింగ్స్ ఆడాడు. 20 బంతుల్లోనే అర్ధ శతకంతో బెంగళూరు స్కోర్బోర్డును ఉరికించాడు. ఆ పరిస్థితుల్లో ఉనాద్కాట్ ఈ ఇద్దరినీ వెనక్కి పంపీ భారీ స్కోర్ దిశగా పరుగెడుతున్న ఆర్సీబీకి బ్రేకులు వేశాడు. అయితే.. చివర్లో కామెరూన్ గ్రీన్(37 నాటౌట్) బౌండరీలతో విరుచుకుపడ్డాడు. కమిన్స్ టార్గెట్గా ఫోర్ల మీద ఫోర్లు బాదాడు. ఇంప్యాక్ట్ ప్లేయర్ స్వప్నిల్ సింగ్(12) సైతం బ్యాటు ఝులిపించి డూప్లెసిస్ సేనకు భారీ స్కోర్ అందించాడు.