Pakistan Cricket Board : వన్డే వరల్డ్ కప్లో బాబర్ ఆజాం సేన దారుణ వైఫల్యంతో పాకిస్థాన్ క్రికెట్ బోర్డు((Pakistan) దిద్దుబాటు చర్యలు చేపట్టింది. బౌలింగ్ కోచ్ మోర్నీ మోర్కెల్(Morne Morkel) తప్పుకోవడం.. మరో ఏడు నెలల్లో టీ20 వరల్డ్ కప్ ఉన్నందున అతడి స్థానంలో తమ దేశానికే చెందిన ఉమర్ గుల్(Umar Gul), సయాద్ అజ్మల్(Saeed Ajaml)ను కోచ్లుగా నియమించింది. మంగళవారం పాకిస్థాన్ క్రికెట్ బోర్డు బౌలింగ్ కోచ్లుగా నియమించింది. ఈ మేరకు పీసీబీ ఓ ప్రకటన విడుదల చేసింది.
గుల్ ఫాస్ బౌలింగ్ యూనిట్కు, అజ్మల్ స్పిన్ యూనిట్కు కోచింగ్ ఇవ్వనున్నారు. పాకిస్థాన్ జట్టు ఆస్ట్రేలియా పర్యటన(Australia Tour)తో వీళ్లకు తొలి పరీక్ష ఎదురవ్వనుంది. డిసెంబర్ తొలి వారంలో షాన్ మసూద్(Shan Masood) సారథ్యంలోని పాక్ బృందం ఆసీస్కు వెళ్లనుంది. దాంతో, పీసీబీ ఈ టూర్ కోసం 18 మంది ఆటగాళ్లను ఎంపికచేసింది. అక్కడ ఒక వామప్ మ్యాచ్తో కలిపి పాక్ మూడు టెస్టుల సిరీస్ ఆడనుంది.
🚨 Umar Gul and Saeed Ajmal have been appointed as the Fast Bowling and Spin Bowling Coaches, respectively, for the Pakistan Men’s Team
Read more ➡️ https://t.co/0rPdPWlvGm pic.twitter.com/FB4sak7sFW
— Pakistan Cricket (@TheRealPCB) November 21, 2023
🚨 SQUAD ANNOUNCED 🚨
Our 18-member squad for the three-match Test series against Australia 🇵🇰
Read more ➡️ https://t.co/eHP9NXPkOu#AUSvPAK | #BackTheBoysInGreen pic.twitter.com/ioKnv0cBxJ
— Pakistan Cricket (@TheRealPCB) November 20, 2023
ఉమర్ గుల్ గతంలో కోచ్గా పనిచేసిన అనుభవం ఉంది. అఫ్గనిస్తాన్తో టీ20 సిరీస్, ఆ తర్వాత స్వదేశంలో న్యూజిలాండ్ సిరీస్కు గుల్ కోచ్గా ఉన్నాడు. అంతేకాదు ఈ మాజీ పాకిస్థాన్ సూపర్ లీగ్లో క్వెట్టా గ్లాడియేటర్స్కు బౌలింగ్ కోచ్గా పనిచేశాడు. గుల్ తన 13 ఏండ్ల కెరీర్లో మూడు ఫార్మాట్లలో 427 వికెట్లు పడగొట్టాడు. ఇక.. మాజీ వరల్డ్ నంబర్ బౌలర్ అయిన అజ్మల్ పాక్ తరఫున 35 టెస్టులు, 113 వన్డేలు, 64 టీ20లు ఆడాడు. మొత్తంగా 447 వికెట్లు తీశాడు. అజ్మల్ కూడా పాకిస్థాన్ సూపర్ లీగ్లో ఇస్లామాబాద్ యునైటెడ్ జట్టుకు కోచ్గా సేవలందించాడు.