IPL 2023 : రాయల్ చాలెంజర్స్ బెంగళూరు(Royal Challengers Bangalore) ఇద్దరు కొత్త ఆటగాళ్లను తీసుకుంది. తొలి మ్యాచ్లో గాయపడిన రిసీ టోప్లే(Reece Topley) స్థానంలో దక్షిణాఫ్రికా పేసర్ వేనె పార్నెల్ (రూ.75 లక్షలు)ను ఎంపిక చేసింది. గాయం కారణంగా సీజన్ మొత్తానికి దూరమైన బ్యాటర్ రజత్ పాటిదార్(Rajat Patidar) ప్లేస్లో కర్నాటక పేసర్ వైషక్ విజయ్ కుమార్ (రూ.20 లక్షలు)ను తీసుకుంటునట్టు ప్రకటించింది. వీళ్లు త్వరలోనే జట్టుతో కలవనున్నారు.
ముంబై ఇండియన్స్తో జరిగిన మ్యాచ్లో రెండు వికెట్లు తీసిన టోప్లే ఫీల్డింగ్ చేస్తుండగా గాయపడ్డాడు. నొప్పితో మైదానం వీడిన అతను టోర్నీ మొత్తానికి దూరమయ్యాడు. గత సీజన్లో దుమ్మురేపిన రజత్ పాటిదార్ (మధ్యప్రదేశ్) అషిల్లెస్ గాయం నుంచి కోలుకోలేదు. దాంతో డూప్లెసిస్ సేన వీళ్ల స్థానంలో ఇద్దరిని తీసుకోవాల్సి వచ్చింది.
🔊 ANNOUNCEMENT 🔊
South African all-rounder Wayne Parnell and Karnataka pacer Vyshak Vijaykumar replace Reece Topley and Rajat Patidar respectively for the remainder of #IPL2023.
Welcome to #ನಮ್ಮRCB, @WayneParnell and Vyshak! 🙌#PlayBold pic.twitter.com/DtVKapPSAY
— Royal Challengers Bangalore (@RCBTweets) April 7, 2023
ఐపీఎల్లో పార్నెల్(Wayne Parnell) ఇప్పటివరకు 26 మ్యాచ్లు ఆడాడు. పుణే వారియర్స్, ఢిల్లీ డేర్డెవిల్స్ జట్లకు అతను ప్రాతినిధ్యం వహించాడు. ఈమధ్యే ముగిసిన దక్షిణాఫ్రికా టీ20 లీగ్లో ఈ ఎడమ చేతివాటం పేసర్ సత్తా చాటాడు. 9 మ్యాచుల్లో 10 వికెట్లు తీశాడు. 26 ఏళ్ల విజయ్ కుమార్( Vyshak Vijaykumar) ఇప్పటివరకు ఒక్క ఐపీఎల్ మ్యాచ్ ఆడలేదు. కానీ, దేశవాళీలో నిలకడగా రాణించాడు. సయ్యద్ ముస్తాక్ అలీ ట్రోఫీలో 8 మ్యాచుల్లో 10 వికెట్లు పడగొట్టాడు. అంతేకాదు రంజీ ట్రోఫీలో 31 వికెట్లు తీసి కర్నాటక సెమీ ఫైనల్ చేరడంలో కీలక పాత్ర పోషించాడు.
ఐపీఎల్ 16వ సీజన్ను ఆర్సీబీ ఘనంగా ప్రారంభించింది. చిన్నస్వామి స్టేడియంలో ముంబై ఇండియన్స్పై 8 వికెట్ల తేడాతో గెలిచింది. తొలి మ్యాచ్లో భారీ విజయం సాధించిన ఆర్సీబీ అదే జోరును కొనసాగించడంలో విఫలమైంది. ఈడెన్ గార్డెన్స్లో కోల్కతా నైట్ రైడర్స్ చేతిలో 81 పరుగుల తేడాతో ఓటమి పాలైంది. తదుపరి మ్యాచ్లో ఏప్రిల్ 10న లక్నో సూపర్ జెయింట్స్తో డూప్లెసిస్ సేన తలపడనుంది.