టీవోఏలో ముదిరిన వర్గపోరు

తెలంగాణ ఒలింపిక్‌ అసోసియేషన్‌ (టీవోఏ)లో వర్గపోరు మరింత ముదిరింది. టీపీసీసీ చీఫ్‌ మహేష్‌ గౌడ్‌ వర్సెస్‌ టీవోఏ అధ్యక్షుడు జితేందర్‌ రెడ్డి వర్గాలుగా సాగుతున్న పోరులో మరో ఆసక్తికర పరిణామం చోటుచేసుకుంది. ఆదివారం మహేశ్‌ గౌడ్‌ వర్గం.. 2025-29 కాలానికి గాను కొత్త ఆఫీస్‌ బేరర్ల ఎన్నికలను నిర్వహించింది.

హైదరాబాద్‌, ఆట ప్రతినిధి : తెలంగాణ ఒలింపిక్‌ అసోసియేషన్‌ (టీవోఏ)లో వర్గపోరు మరింత ముదిరింది. టీపీసీసీ చీఫ్‌ మహేష్‌ గౌడ్‌ వర్సెస్‌ టీవోఏ అధ్యక్షుడు జితేందర్‌ రెడ్డి వర్గాలుగా సాగుతున్న పోరులో మరో ఆసక్తికర పరిణామం చోటుచేసుకుంది. ఆదివారం మహేశ్‌ గౌడ్‌ వర్గం.. 2025-29 కాలానికి గాను కొత్త ఆఫీస్‌ బేరర్ల ఎన్నికలను నిర్వహించింది. భారత ఒలింపిక్‌ సంఘం (ఐవోఏ), స్పోర్ట్స్‌ అథారిటీ ఆఫ్‌ తెలంగాణ (శాట్‌) నుంచి అబ్జర్వర్లు లేకుండానే ఈ ఎన్నిక జరుగడం గమనార్హం. ఈ ఎన్నికలలో అధ్యక్షుడిగా ప్రేమ్‌రాజ్‌, ఉపాధ్యక్షుడిగా కొమురయ్య ఎన్నికయ్యారు. గత నెలలో ఎన్నికైన టీవోఏ కార్యవర్గానికి ఐవోఏ గుర్తింపు దక్కకపోగా తాజాగా టీపీసీసీ చీఫ్‌ వర్గం ఎన్నికలను నిర్వహించుకోవడం చర్చనీయాంశమైంది.